நினைவுகளும் சுகம்தான்!!!

**Aathira** · **Aathira** Tue Aug 03, 2010 11:13 pm

First topic message reminder :

நினைவுகளும் சுகம்தான்!!!

நினைவுகளும் சுகம்தான்!!! - Page 5 Daydreaming-girl

நினைவுகளும் சுகம்தான்
நிசத்தில் நீ இல்லாத போது

உன் உடலில் என் வாசம்
என் உயிரில் உன் நேசம்
இதில் என்றும் இல்லை
துளி வேஷம்

உன் சிணுங்களில்
மெய் சிலிர்ப்பேன்
உன்னைச் சீண்டும் போது
மனம் களிப்பேன்

நீ சினம் கொள்ள
முயன்று முயன்று
தோற்ற போது
நானஅழுவேன்

நீ பாதம் முதல்
முன் உச்சிவரை
கடைக் கண்ணால்
பலநேரம் வருடியதும்

எடைப் பார்க்கும்
இயந்திரமாய்
எனைத் தூக்கிச்
சுமந்ததுவும்

இடுப்போரம்
சுளுக்கியதும்
எண்ணிப்பார்த்துச்
சிரித்திடுவேன்

நீ எட்ட நின்றாலும் உன்னைத்
தொட்டுப் பார்த்துச்
சுகம் கொள்ள
உன் இதழ் பட்ட
இடங்கள் என்னிடமே!

நினைவுகளும் சுகம்தான்
நிசத்தில் நீ இல்லாத போது

ஆதிரா..

**Aathira** · **Aathira** Sun Aug 22, 2010 11:10 am

சாந்தன் wrote:நினைவுகளும் சுகம்தான்
நிசத்தில் நீ இல்லாத போது

அருமையான வரிகள் ஆதிரா அக்கா ....
அருமை அருமை

மிக்க நன்றி ~~நிர்மல்~~ சாந்தன் நினைவுகளும் சுகம்தான்!!! - Page 5 154550

சபீர் · சபீர் Sun Aug 22, 2010 11:17 am

அத்தனைவிரிகளும் மிகவும் உணர்ச்சிகரமாக வரிகள் அதிலும்
இந்த
நீ எட்ட நின்றாலும் உன்னைத்
தொட்டுப் பார்த்துச்
சுகம் கொள்ள
உன் இதழ் பட்ட
இடங்கள் என்னிடமே!
வரிகள் என்அடிமனதை தொட்டுவிட்டது.
அருமை அக்கா மிகவும் அருமை

**Aathira** · **Aathira** Sun Aug 22, 2010 11:25 am

சபீர் wrote:அத்தனைவரிகளும் மிகவும் உணர்ச்சிகரமான வரிகள் அதிலும்
இந்த
நீ எட்ட நின்றாலும் உன்னைத்
தொட்டுப் பார்த்துச்
சுகம் கொள்ள
உன் இதழ் பட்ட
இடங்கள் என்னிடமே!
வரிகள் என்அடிமனதை தொட்டுவிட்டது.
அருமை அக்கா மிகவும் அருமை

எட்ட இருப்பவர்கள் இயல்பாக ரசிக்கும் வரிகள். நன்றி சபீர்.. (சபீர் - அஸ்லி)

**Aathira** · **Aathira** Sun Aug 22, 2010 4:38 pm

சிவா wrote:அருகில் இருக்கும் பொழுது கிடைக்கும் இன்பத்தைவிட, நினைவுகளால் ரசிக்கும் பொழுது கிடைக்கும் பேரின்பத்துக்கு எல்லையே இல்லை! அந்த பேரின்ப நினைவுகளை அழகாக கவிதை வரிகளாக்கிய தலைவிக்கு வாழ்த்துகள்!

கருத்து நல்லா இருக்கு சிவா. சிற்றின்பத்திற்கும் பேரின்பத்திற்கும் அழகா எடுத்துக்காட்டு கொடுத்து இருக்கீங்க.. தெரிஞ்சுகிட்டேன். நன்றி..அதெல்லாம் சரி அது யாரு தலைவி? ஜெ யா?

மஞ்சுபாஷிணி · மஞ்சுபாஷிணி Sun Aug 22, 2010 4:42 pm

நினைவுகள் தரும் சுகம்
நிஜத்தில் அருகில் இல்லாத பொழுதும்.....

எத்தனை அழகான வரிகள்.... மனதில் குட்டியூண்டு சோகம் அருகில் இல்லையென்ற அந்த ஏக்கம்.... அதை வரிகளாக்கி சொன்ன சோகம்... அந்த சோகத்திலும் ஒரு குட்டி சுகம்.... நினைவுகள் தாலாட்டவும் செய்யும்.... நாட்களை நகர்த்தவும் வைக்கும்.... வாழவும் வைக்கும் என்ற நம்பிக்கை வரிகளை ஊட்டிய அன்பு ஆதிராவுக்கு என் அன்பு பாராட்டுக்கள்பா... அன்பு மலர்

மஞ்சுபாஷிணி · மஞ்சுபாஷிணி Sun Aug 22, 2010 4:45 pm

uthuman wrote:நினைவே ஒரு சங்கீதம்...!

இனியவளே...!

நெய் மணக்கும் பிரியாணி
இங்கே கிடைத்தாலும்
அன்போடு நீ பிசைந்து தந்த
பழைய சோற்றின் சுவைக்கு
ஈடு இணை இல்லை
கண்ணம்மா.....

முறுமுறுவென்று வறுத்த
சிக்கன் KFC
இங்கே கிடைத்தாலும்
ஆசை ஆசையாய் நீ பொரித்துத்
தந்த
கொத்தவரங்காய் வத்தலிலும்
மோர் மிளகாயிலும் அரிசி
வடாகத்திலும்
இருந்த ருசி இதில் இல்லை
செல்லமே.....

அழகு அழகான Bottleகளில்
வண்ண வண்ணமாய் சென்ட்
இங்கே கிடைத்தாலும்
உன் கூந்தல் வாசனைக்கு
நிகரான நறுமணம் இதில்
இல்லை
உயிரே...

அலுவலகத்திலும் சரி..
அறையிலும் சரி
இருபத்துநான்கு மணி
நேரமும்
இங்கே AC
இருந்தாலும்
ஊரில் ஒரு வெயில் நாளில்
மின்சாரம் நின்று மின்விசிறி
சுழலாமல்
ஓலை விசிறியால் நீ விசிறிவிட்டபோது
கிடைத்த இதமான தென்றல்
இந்த ஜில்லிப்பில் இல்லை
கண்மணியே..

முகத்து வியர்வையை துடைக்க

Tissue பேப்பர்கள்
இங்கே கிடைத்தாலும்
உன் சேலை முந்தானையால்
என் முகத்தை பூப்போல
ஒற்றி எடுப்பாயே
அப்போது எனக்குள் உண்டாகும்
சிலிர்ப்பு இதில் இல்லை
என் அம்முவே...

இங்கே தாகம் தணிக்க
பெப்சி முதல் எல்லாவகை
குளிர்பானங்கள் கிடைத்தாலும்
மாங்காய் துண்டு வெட்டிப்போட்டு
பச்சைமிளகாய் கீறிப்போட்டு
கடுகு கறிவேப்பிலை போட்டு
தாளித்து மோர் தருவாயே
அந்த ருசி இதில் இல்லை
தங்கமே...

உலகத்தில் உள்ள
எல்லா நாட்டுப்பெண்களும்

இங்கு உலாவினாலும்
உன் அழகு எந்தப்பெண்ணிலும்
இல்லை
என் தேவதையே...

அலங்காரமான குளியலறையில்
ஷவரில் அருவிபோல
தண்ணீர் கொட்டினாலும்
நீ பிளாஸ்டிக் குடத்தில்
பிடித்து வைத்த காவிரி தண்ணீரின்
குளிர்ச்சி இதில் இல்லை
என் தேனே....

தலைவலிக்கு மாத்திரைகள்
இங்கே கிடைத்தாலும்
நீ கொடுத்த இஞ்சி தேநீருக்கு
நிகரான நிவாரண மருந்து கிடையாது
என் மானே...

இங்கே உள்ள விதவிதமான இசைக்கருவிகள்
என்னைக் கவரவில்லை
நம் குழந்தைகளின் பேச்சுக்கும்
மயங்க வைக்கும் சிரிப்புக்கும்
இணையான புது இசைக்கருவியை
நான் இங்கே காணவில்லை
என் குயிலே...

இங்கே நவீன ரக காரிலும்
பறக்கும் தொங்கு வண்டியில்
சொகுசாக பயணித்தாலும்
ஊரில் பழைய சைக்கிளில்
பெரியமகனை பின் இருக்கையிலும்
சின்ன மகனை முன் இருக்கையிலும்
வைத்துக்கொண்டு விடுமுறை
நாட்களில்
ஊர் சுற்றியபோது உண்டான
ஆனந்தம்
இங்கு இல்லை
என் அன்பே...

இங்கே அசத்தலான ஓவியங்களையும்
பிரமிக்க வைக்கும் சிற்பங்களை
கண்டாலும்
நம் பிள்ளைகள் வீட்டு வெள்ளைச்
சுவரில்
பென்சிலாலும் கரியாலும்
கிறுக்கிய
அழகு இதில் இல்லை
என் அழகே....

பாலைவனத்து ஒட்டகம்
தண்ணீரை தன் வயிற்றில்
சேமித்து வைக்குமாம்
அந்த தண்ணீர் ஒட்டகத்துக்கு
ஆறு மாதங்களுக்கு தாங்குமாம்
நானும் ஒரு ஒட்டகம் தான்
என் சின்ன இதயத்துக்குள்
உன் காதலை,
நம் குழந்தைகளின் அன்பை
சேமித்து வைத்திருக்கின்றேன்
இது ...
ஆறு மாதம் இல்லை
ஆறு வருசங்கள் தாண்டி
ஆயுள் முழுக்க இருக்கும்....

உன் இனிய நினைவுகளுடன்
உன் உறவுக்காரன்

அருகே இல்லாதபோதும் இப்படி கவிதை எழுதவைக்கும்...
உறவுகளை அன்பால் வளர்த்து காதலை இணைத்துவைக்கும்....

வரிகளில் உள்ள நேசம் எல்லோரையும் ஒருநிமிடம் சிந்திக்கவைக்கும்....

அன்பு பாராட்டுக்கள் உத்தமன்...

Guest · Guest Sun Aug 22, 2010 4:49 pm

மிக்க நன்றி மஞ்சு.

**Aathira** · **Aathira** Mon Aug 23, 2010 8:50 pm

மஞ்சுபாஷிணி wrote:நினைவுகள் தரும் சுகம்
நிஜத்தில் அருகில் இல்லாத பொழுதும்.....

எத்தனை அழகான வரிகள்.... மனதில் குட்டியூண்டு சோகம் அருகில் இல்லையென்ற அந்த ஏக்கம்.... அதை வரிகளாக்கி சொன்ன சோகம்... அந்த சோகத்திலும் ஒரு குட்டி சுகம்.... நினைவுகள் தாலாட்டவும் செய்யும்.... நாட்களை நகர்த்தவும் வைக்கும்.... வாழவும் வைக்கும் என்ற நம்பிக்கை வரிகளை ஊட்டிய அன்பு ஆதிராவுக்கு என் அன்பு பாராட்டுக்கள்பா...

அழகான விமர்சனப் பின்னூட்டத்திற்கு மிக்க நன்றி மஞ்சு.. நினைவுகளும் சுகம்தான்!!! - Page 5 154550

புவனா · புவனா Mon Aug 23, 2010 8:59 pm

அழகான கவிதை அதிரா அக்கா.. நினைவுகளை இதைவிட அழகாய் நேசிக்க இயலாது... அன்பு மலர்

Sponsored content · Sponsored content

நினைவுகளும் சுகம்தான்!!!

நினைவுகளும் சுகம்தான்!!!

Re: நினைவுகளும் சுகம்தான்!!!

Re: நினைவுகளும் சுகம்தான்!!!

Re: நினைவுகளும் சுகம்தான்!!!

Re: நினைவுகளும் சுகம்தான்!!!

Re: நினைவுகளும் சுகம்தான்!!!

Re: நினைவுகளும் சுகம்தான்!!!

Re: நினைவுகளும் சுகம்தான்!!!

Re: நினைவுகளும் சுகம்தான்!!!

Re: நினைவுகளும் சுகம்தான்!!!

Re: நினைவுகளும் சுகம்தான்!!!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக