கல்குவாரியில் நடந்த பரிதாபம்

நவீன் · நவீன் Tue Aug 03, 2010 5:22 pm

திரிசூலத்தில் உள்ள கல்குவாரி ஒன்றில் பாறை சரிந்து லாரி மீது விழுந்ததில் கூலித் தொழிலாளி ஒருவர் உடல் நசுங்கி பலியானார். மற்றொருவர் உயிருக்கு ஆபத்தான நிலையில் சிகிச்சை பெற்று வருகிறார்.
.
இது பற்றி போலீஸ் தரப்பில் கூறப்படுவதாவது:திரிசூலம் மலைப்பகுதியில் 5 கல்குவாரிகள் உள்ளது. இதில் 1வது கல்குவாரியும், 5வது கல்குவாரியும் இயங்கி வருகிறது. மற்ற கல்குவாரிகள் மூடப்பட்டுள்ளன. 1வது கல்குவாரி கடந்த ஒரு வாரமாக மூடப்பட்டு இன்று திறக்கப் பட்டது. அப்பகுதியைச் சேர்ந்த சேகர் என்பவர் இதன் உரிமையாளராக உள்ளார். திரிசூலம் பகுதியைச் சேர்ந்த முருகன் என்பவருக்கு சொந்தமான லாரி இக்கல்குவாரிக்கு இன்று காலையில் பெரிய பாறை மற்றும் சிறிய பாறைகளை ஏற்றிக்கொண்டிருந்தது. இந்த லாரியில் உரிமையாளர் முருகன், டிரைவர் கண்ணன், மற்றும் கல் ஏற்றி இருக்கும் கூலித்தொழிலாளர்கள் மாடசாமி, ஜெகதீசன், கண்ணன் ஆகியோர் இருந்தனர். ஆழமான இடத்தில் லாரி பாறைகளை ஏற்றிக்கொண்டிருந்தபோது எதிர்பாராதவிதமாக குவாரியின் பக்கவாட்டிலிருந்த பெரிய பாறை ஒன்று சரிந்து லாரி மீது விழுந்தது. இதில் லாரி அப்பளம் போல் நொறுங்கியது. லாரியிலிருந்த மாடசாமி என்பவர் பாறையின் அடியில் சிக்கி பரிதாபமாக உயிரிழந்தார். மேலும் கூலித்தொழிலாளி ஜெகதீசன் என்பவரின் காலில் பலத்த காயம் ஏற்பட்டது. லாரி உரிமையாளர் முருகன், டிரைவர் கண்ணன் மற்றும் கூலித் தொழிலாளி கண்ணன் ஆகிய மூன்று பேரும் காயமின்றி உயிர்தப்பினர். இதுபற்றி தகவல் அறிந்து பல்லாவரம் போலீசார் சம்பவ இடத்திற்கு விரைந்து சென்றனர். அங்கு படுகாயத்துடன் உயிருக்கு போராடிய ஜெகதீசனை மீட்டு தனியார் மருத்துவமனைக்கு சிகிச்சைக்காக அனுப்பி வைத்தனர். உயிரிழந்த மாடசாமி உடலை போலீசார் கைப்பற்றி குரோம்பேட்டை அரசு மருத்துவமனைக்கு அனுப்பி வைத்தனர். இந்த சம்பவம் தொடர்பாக போலீசார் வழக்குப்பதிவு செய்து விசாரணை நடத்தி வருகின்றனர்.

கல்குவாரியில் நடந்த பரிதாபம்

கல்குவாரியில் நடந்த பரிதாபம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக