கல்வியில் பின் தங்கிய மாணவர்களுக்கு சிறப்பு வகுப்பு நடத்த வேண்டும்; தலைமை ஆசிரியர்களுக்கு பள்ளி கல்வித்துறை அறிவுறுத்தல்

அரசு
உயர்நிலை மற்றும் மேல்நிலைப்பள்ளிகளில் மாணவ-மாணவிகளுக்கு சிறந்த முறையில்
கல்வி கற்பித்தல் பணியை மேற் கொள்ள வேண்டும் என்று அனைத்து தலைமை
ஆசிரியர்களுக்கும், முதன்மை கல்வி அதிகாரிகள் வழியாக பள்ளிக்கல்வித்துறை
இயக்குனர் பி.பெருமாள்சாமி சுற்றறிக்கை அனுப்பியுள்ளார். அதில்
கூறியிருப்பதாவது:-


பள்ளி
வயது குழந்தைகள் அனைவரையும் பள்ளியில் சேர்த்திட வேண்டும். 10, 12-ம்
வகுப்பு மாணவர்களின் வெற்றிக்கு முழுக்கவனம் செலுத்துவது போல 6 முதல்
12-ம் வகுப்பு வரை உள்ள அனைத்து மாணவர்களின் வெற்றிக்கும் ஆசிரியகளது பணி
தூண்டுகோளாக இருக்க வேண்டும்.


கூட்டு
வழிபாடு நிகழ்த்து வதில் தலைமை ஆசிரியர்கள் தனிக்கவனம் செலுத்த வேண்டும்.
ஆசிரியர் வருகை பதிவேட்டினை மிகச்சரியான முறையில் பராமரிக்கப்பட வேண்டும்.
உயர்நிலை மற்றும் மேல் நிலைப்பள்ளி தலைமை ஆசிரியர்கள் குறைந்தபட்சம் 10
பாட வேளைகள் வகுப் புறை கற்பித்தலில் ஈடுபட வேண்டும். தலைமையாசிரியர்
அனைவரும் குறைந்த பட்சம் ஒரு வகுப்பிற்காவது தம்முடைய பாடத்தை கற் பிக்க
வேண்டும்.


ஓரிரு
பாடவேளையில் நீதிபோதனை முதலான பாடங்களை கற்பிக்கலாம். பாடப்பொருள்
திரட்டல், கற்பித்தல், உத்திகளை கையாளுதல், பாடத்திற்கும் தலைப்பிற்கும்
ஏற்ப துணை கருவிகள் பயன்படுத்துதல் போன்ற அனைத்திலும் தலைமை ஆசிரியர்கள்
பிற ஆசிரியர்களுக்கு எடுத்து காட்டாக விளங்க வேண்டும்.

தலைமையாசிரியர்கள்,
நாள் தோறும் குறைந்த பட்சம் இரண்டு வகுப்புகளுக்கு சென்று ஆசிரியர்
கற்பித்தலை மேற்பார்வையிட வேண்டும். குறை, நிறைகளை கண்டறிந்து அவர்களை
தனியே வரவழைத்து அறிவுரைகளையும் ஆலோசனைகளையும் தனிப்பட்ட விருப்பு
வெறுப்புகளுக்கு இடமின்றி எளிய முறையில் விளக்கிட வேண்டும்.

இந்த
கல்வியாண்டு முதல் ஒவ்வொரு நாளும் ஒவ்வொரு பாட வேளையிலும் ஒவ்வொரு
வகுப்பிலும் ஆசிரியரால் என்ன பாடப்பொருள் குறித்து கற்பிக்கப்பட்டது,
எத்தகைய துணை பயன்படுத்தப்பட்டது போன்ற விவரங்களை பாடப்பிரிவு முடிந்த
பிறகு பாடம் கற்பித்த ஆசிரியர்கள், வகுப்பிலே பதிவு செய்யக்கூடிய ஒர்க்
டன் ரிஜிஸ்டர் பராமரிக்க செய்ய வேண்டும்.

10,
12-ம் வகுப்பு பொதுத் தேர்வுகளுக்கு முக்கியத்துவம் கொடுத்து பகுப்பாய்வு
செய்வதோடு பிற வகுப்பு மாணவர்களின் பள்ளி ஆண்டு இறுதி தேர்வு
மதிப்பெண்களையும் முக்கியமாக ஆய்வு செய்ய வேண்டும்.

6
முதல் 12-ம் வகுப்பு வரை தனித்தனியாக அனைத்து வகுப்புகளிலும் கல்வியில்
பின்தங்கிய மாணவர்களின் பெயர் பட்டியலை தயார் செய்து அதற்கான பதிவேடுகளை
உருவாக்கி கொள்ள வேண்டும். அந்த மாணவர்களுக்கும், மற்ற மாணவர்களுக்கும்
மாலை நேர சிறப்பு வகுப்புகள் நடத்தி கல்வி தரத்தை மேம்படுத்த வேண்டும்.

சிறப்பு வகுப்புகள் நடத்து வதில் எவ்வித குறைபாடும் இருக்கக் கூடாது.

9-ம்
வகுப்பிற்கு அறிவியல் பாடத்திற்கு செய்முறை தேர்வு இந்த ஆண்டு அறிமுகம்
செய்யப்பட்டுள்ளது. மாணவர்கள் கண்டிப்பாக ஆய்வகம் சென்று செய்முறைகள்
செய்யும் வகையில் காலஅட்டவணை தயாரித்து ஆசிரியர்கள் பின்பற்ற வேண்டும்.

வாரத்தின்
2 பாட வேளைகள் கட்டாயம் உடற் கல்வி பாடம் நடத்தப்பட வேண்டும். ஒவ்வொரு
வெள்ளிக்கிழமையும் பள்ளி நேரத்திற்கு பிறகு அனைத்து மாணவர்களுக்கும்
கூட்டு உடற்பயிற்சி நடத்தப்பட வேண்டும். எண்ணிக்கை அதிகமாக இருந்தால்
வாரம் இரு நாட்கள் கூட்டு உடற்பயிற்சி அவசியம் மேற் கொள்ள வேண்டும்.

6
முதல் 12-ம் வகுப்பு வரையுள்ள மாணவர்கள் அனைவரையும் தேர்ச்சி பெறச்செய்வது
நம்முடைய தலையாய பணியாகும். அதற்கேற்றவாறு கற்றல் கற்பித்தலை கையாண்டு
நூறு விழுக்காடு தேர்ச்சி என்பதை மனதில் கொண்டு பணியாற்ற வேண்டும்.
இவ்வாறு அந்த அறிக்கையில் கூறப்பட்டுள்ளது.