ஜெயலலிதாவை கண்டித்து நாளை தி.மு.க. இளைஞரணி ஆர்ப்பாட்டம்: எம்.எல்.ஏ.க்கள் பங்கேற்பு

ஜெயலலிதா சொத்து குவிப்பு வழக்கில்
வாய்தை வாங்குவதை கண்டித்து தி.மு.க. இளைஞர் அணி சார்பில் நாளை தமிழ்நாடு
முழுவதும் மாவட்ட தலை நகரங்களில் ஆர்ப்பாட்டம் நடைபெறுகிறது.

இதில் தி.மு.க. இளைஞர் அணி அனைத்து அணி நிர்வாகிகள் கலந்து கொள்கிறார்கள். எம்.எல்.ஏ.க்களும் பங்கேற்கிறார்கள்.

இது குறித்து தென் சென்னை மாவட்ட தி.மு.க. இளைஞரணி அமைப்பாளர் நுங்கை வி.எஸ். ராஜ் வெளியிட்டுள்ள அறிக்கையில் கூறி இருப்பதாவது:-

தென்சென்னை
மாவட்ட தி.மு.க. இளைஞர் அணி சார்பில் தமிழ்நாட்டு மக்களை அவமதிக்கும்
ஜெயலலிதாவை கண்டித்து (புதன்கிழமை) நாளை காலை 9.00 மணிக்கு சைதாப்பேட்டை
பனகல் மாளிகை, மறைமலை அடிகள் பாலம் அருகில் மாவட்ட அமைப்பாளராகிய எனது
(நுங்கை வி.எஸ். ராஜ்) தலைமையில், தென் சென்னை மாவட்ட கழக செயலாளர் ஜெ.
அன்பழகன் முன்னிலையில் கண்டன ஆர்ப்பாட்டம் நடைபெறுகிறது.

நல்லாட்சிக்கு
ஊறு விளைக்கும் வகையில் தமிழ்நாட்டு மக்களை திசை திருப்ப, பொய்யையே
மூலதமாக வைத்து கபடநாடகம் ஆடும் ஜெயலலிதா, தலைவர் கலைஞர் மீதும், தளபதி
மீதும் பொய் பிரச்சாரம் செய்து வருகிறார். இதை கண்டித்து மாபெரும் கண்டன
ஆர்ப்பாட்டம் நடைபெறுகிறது.

ஆர்ப்பாட்டத்தில்
தென் சென்னை மாவட்டத்தில் உள்ள அனைத்து பகுதிகளிலிம், வட்டங்கள் தோறும்,
அந்த அந்த இளைஞர் அணி அமைப்புகளின் சார்பில் இளைஞர் அணி நிர்வாகிகள்,
இளைஞர் அணி தோழர்கள் வெண்சீருடையில் பெரும் திரளாக கலந்து கொண்டு
சிறப்பித்திட வேண்டுமாய் அன்புடன் கேட்டுக்கொள்கிறேன்.

இவ்வாறு அவர் கூறியுள்ளார்.

தமிழ்நாடு மின்கழக தொழிலாளர் முன்னேற்ற சங்க பொதுச் செயலாளர் சிங்காரரத்தின சபாபதி விடுத்துள்ள அறிக்கையில் கூறியிருப்பதாவது:-

ஜெயலலிதா
அன்றாடம் நடத்தும் போராட்டத்தை எதிர்த்தும், வாய்தாவாங்கு வதை கண்டித்தும்
நடைபெறும் இந்த போராட்டத்தில் மின்வாரிய தொழிலாளர்கள் அனைத்து அமைப்பு
சாரா தொழிலாளர்கள், தொ.மு.ச.வினர், இளைஞர் அணியினருடன் இணைந்து கண்டன
ஆர்ப்பாட்டத்தில் திரளாக பங்கேற்க வேண்டும். தொ.மு.ச. பேரவையினர் தங்கள்
பகுதியில் உள்ள பொதுமக்களையும் இதில் திரளாக பங்கேற்க செய்ய வேண்டும்.

இவ்வாறு சிங்கார ரத்தின சபாபதி கூறி உள்ளார்.

மாவட்ட இளைஞரணி அமைப்பாளர் த.விசுவநாதன் வெளியிட்டுள்ள அறிக்கையில் கூறி இருப்பதாவது:-

காஞ்சீபுரத்தில் நாளை மாவட்ட தி.மு.க. இளைஞரணி சார்பில் கண்டன ஆர்ப்பாட்டம் நடக்கிறது.

வணிகர்
வீதியில் காலை 10 மணிக்கு எனது தலைமையில் (த.விசுவநாதன்) நடைபெறும்
ஆர்ப்பாட்டத்திற்கு டி.வி. கோகுலகண்ணன், அப்துல் மாலிக், செல்வம் ஆகியோர்
முன்னிலை வகிக்கிறார்கள். அபுசாலி வரவேற்கிறார்.

சுந்தர்
எம்.எல்.ஏ., பொன் மொழி, எட்டியப்பன், மல்லிகா மோகன், சுகுமார்,
ஆர்.எஸ்.பாரதி, வைத்தியலிங்கம், எஸ்.ஆர்.ராஜா, சங்கரிநாராயணன், எஸ்.டி.
உக்கம்சந்த், வெ.விசுவநாதன், சன்பிராண்ட் ஆறுமுகம் ஜானகிராமன், துரைசாமி,
சேகர், பி.எம்.குமார் ஆகியோர் கண்டன உரையாற்றுகிறார்கள். கந்தவேலு, வேலு
நன்றி கூறுகின்றனர்.

இவ்வாறு அறிக்கையில் கூறி உள்ளார்.
வட
சென்னை மாவட்ட தி.மு.க. இளைஞர் அணி சால்பில் நாளை நடைபெறும் கண்டன
ஆர்ப்பாட்டத்திற்கு வட சென்னை மாவட்ட தலைவர் வி.எஸ். பாபு எம்.எல்.ஏ.
முன்னிலை வகிக் றார். சென்னை கலெக்டர் அலுவலகம் அருகில் நடக்கும்
ஆர்ப்பாட்டத்தில் புரசை பகுதியில் இருந்து 3,000-க்கும் மேற்பட்ட
இளைஞர்கள் பங்கேற்கிறார்கள் என்று புரசைப்பகுதி இளைஞர் அணி அமைப்பாளர்
வி.எஸ்.ஜே. சீனிவாசன் தெரிவித்துள்ளார்.

என்ன கொடுமை ,இவங்க ஆளுங்கட்சியா இல்லை எதிர்க்கட்சியான்னு தெரியலையே