பஸ்ஸில் வந்த பெண்ணிடம் 20 பவுன் நகை "அபேஸ்'

நவீன் · நவீன் Tue Aug 03, 2010 3:20 pm

புதுக்கோட்டை: புதுக்கோட்டை அருகே அரசு டவுன் பஸ்ஸில் பயணம் செய்த
இளம்பெண்ணிடம் 20 பவுன் நகை அபேஷ் செய்து தலைமறைவான மர்ம நபரை போலீஸார்
தேடிவருகின்றனர்.புதுக்கோட்டை அடுத்த திருவப்பூர் பகுதியைச் சேர்ந்தவர்
ஜோதிபாசு. இவர் திருவப்பூரில் நகைக்கடை நடத்திவருகிறார். இவரது மனைவி
தீபா(33). இவர் இலுப்பூரில் உள்ள தனது பெற்றோர் வீட்டுக்கு செல்வதற்காக
நேற்று காலை திருவப்பூரிலிருந்து அரசு டவுன் பஸ்சில்
ஏறியுள்ளார்.இலுப்பூர் சென்றதும் பஸ்ஸை விட்டு இறங்கிய தீபா தான்
வைத்திருந்த பேக்கை திறந்து பார்த்துள்ளார். அதில் வைத்திருந்த ஆரம்,
டாலர் செயின், வளையல் உள்ளிட்ட 20 பவுன் நகை மாயமானதைக்கண்டு
திடுக்கிட்டுள்ளார். பஸ்ஸில் கூட்ட நெரிசலை பயன்படுத்தி மர்ம நபர்
தீபாவின் தோளில் போட்டிருந்த ஹேன்ட் பேக்கை பிளைடால் கீறியபின் அதற்குள்
இருந்த நகையை அபேஷ் செய்துவிட்டு தப்பிச் சென்றுள்ளார்.தீபா கொடுத்த
புகாரின் பேரில் இலுப்பூர் போலீஸார் விசாரிக்கின்றனர்.