33 ஆயிரம் மாணவர்கள் என்ஜினீயரிங் சேரவில்லை: ஒரே நாளில் 2289 பேர் புறக்கணிப்பு

நவீன் · நவீன் Tue Aug 03, 2010 4:45 pm

தமிழ்நாட்டில் உள்ள என்ஜினீயரிங்
கல்லூரிகளில் அரசு ஒதுக்கீட்டு இடங்கள் கலந்தாய்வு மூலம்
நிரப்பப்படுகிறது. இதுவரை 88,666 பேர் கல்லூரிகளை தேர்வு செய்து சேர்க்கை
கடிதம் பெற்று சென்றனர். ஒரு லட்சத்து 22 ஆயிரத்து 31 பேருக்கு அழைப்பு
கொடுக்கப்பட்டதில் 88,666 பேர் மட்டும் சேர்ந்துள்ளனர்.

32,944
பேர் கலந்தாய்வில் பங்கேற்கவில்லை. இது 27.03 சதவீதமாகும். இதுவரை நடந்த
கவுன்சிலிங்கில் நேற்று வராதவர்களின் எண்ணிக்கை அதிகமாகும். 5398 பேருக்கு
அழைப்பு கொடுக்கப்பட்டதில் 2289 பேர் வரவில்லை. 23 பேர் கலந்தாய்வில்
பங்கேற்றுவிட்டு விரும்பிய கல்லூரி கிடைக்காமல் திரும்பி சென்றனர்.

மாணவர்கள்
நிர்வாக ஒதுக்கீட்டு இடங்களை நோக்கி செல்வதால் கலந்தாய்விற்கு
வராதவர்களின் எண்ணிக்கை உயர்ந்து வருகிறது. தாங்கள் விரும்பும் தனியார்
கல்லூரிகளில் விரும்பிய பாடப்பிரிவுகளை தேர்வு செய்து சேருகிறார்கள்.
இதனால் அரசு ஒதுக்கீட்டு இடங்களை தேர்வு செய்யும் கலந்தாய்வில்
மாணவர்களின் எண்ணிக்கை குறைகிறது.

இது
குறித்து அண்ணா பல்கலைக்கழக மாணவர் சேர்க்கை செயலாளர் ரெமண்ட் உத்தரியராஜ்
கூறுகையில், கடந்த ஆண்டை விட ஒப்பிடும்போது இந்த ஆண்டு கவுன்சிலிங்கிற்கு
வராதவர்களின் எண்ணிக்கை குறைவாகும். கடந்த ஆண்டு இதே நாளில் 2856 பேர்
பங்கேற்கவில்லை.

ஆனால்
நேற்று 2289 பேர் வரவில்லை. தமிழில் சிவில் பாடப்பிரிவை 587 பேரும்,
மெக்கானிக்கல் பிரிவில் 552 பேரும் சேர்ந்துள்ளனர். முதல் தலை பட்டதாரிகள்
அதிகம் பேர் சேர்ந்துள்ளனர். அதனால் இந்த வருடம் காலி இடங்களின் எண்ணிக்கை
கணிசமாக குறையும் என்றார்.

33 ஆயிரம் மாணவர்கள் என்ஜினீயரிங் சேரவில்லை: ஒரே நாளில் 2289 பேர் புறக்கணிப்பு

33 ஆயிரம் மாணவர்கள் என்ஜினீயரிங் சேரவில்லை: ஒரே நாளில் 2289 பேர் புறக்கணிப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக