எஸ்.எம்.எஸ்.,ஸால் விபரீதம்: இளம் பெண் தற்கொலை

by நவீன் Tue Aug 03, 2010 2:59 pm

ஓசூர்: ஓசூர் அருகே நண்பர்கள் தினத்தையொட்டி கணவர் மொபைலுக்கு வந்த
எஸ்.எம்.எஸை., பெண்ணிடம் இருந்து வந்தாக சந்தேகப்பட்டு இளம்பெண் தற்கொலை
செய்து கொண்டார்.ஓசூர் ஆர்.கே.,நகரை சேர்ந்தவர் ராஜகோபால் (30). இவர்
ரயில்வே ஸ்டேஷன் எதிரே மொபைல்ஃபோன் சிம்கார்டு கடை வைத்துள்ளார். இவரது
மனைவி இந்துமதி (25). இவர்களுக்கு திருமணமாகி இரு ஆண்டுகள் ஆகிறது. ஒரு
வயதில் பெண் குழந்தை உள்ளது.
கடந்த சில மாதமாக கணவருடைய நடத்தையில் சந்தேகப்பட்டு இந்துமதி அவரிடம்
அடிக்கடி சண்டை போட்டு வந்தார். நேற்று முன்தினம் இரவு ராஜகோபால் கடையை
அடைத்து விட்டு வீட்டுக்கு சென்றார்.இரவு சாப்பிட்டு விட்டு கணவன், மனைவி
இருவரும் தூங்கினர். அப்போது, ராஜகோபால் மொபைலுக்கு எஸ்.எம்.எஸ்., வந்தது.
தூங்கி கொண்டிருந்த ராஜகோபால் எஸ்.எம்.எஸை., பார்த்தார். உடனே, இந்துமதி
சந்தேகப்பட்டு அவருக்கு வந்த எஸ்.எம்.எஸை., பார்க்க கேட்டார்.
அதற்கு அவர் எஸ்.எம்.எஸை., காட்டமறுத்து அதை அழித்து விட்டார்.
சந்தேகமடைந்த இந்துமதி கணவருக்கு பெண்ணிடம் இருந்து எஸ்.எம்.எஸ்.,
வந்துள்ளதாக கூறி சண்டை போட்டுள்ளார். இருவரும் சண்டைபோட்டு விட்டு தூங்கி
விட்டனர்.நேற்று காலை ராஜகோபால் வழக்கம்போல் எழுந்து கடையை திறக்க
சென்றார். வீட்டில் தனியாக இருந்த இந்துமதி தூக்குபோட்டு தற்கொலை செய்து
கொண்டார். தகவல் அறிந்த டவுன் இன்ஸ்பெக்டர் சுரேஷ்குமார் பிணத்தை
கைப்பற்றி விசாரிக்கிறார். திருமணமாகி இரு ஆண்டுகள் ஆவதால், ஆர்.டி.ஓ.,
செல்வராஜ் விசாரித்தார்.

by **அருண்** Tue Aug 03, 2010 3:03 pm

வேதனை தரும் செய்தியாக உள்ளது...... அழுகை

எஸ்.எம்.எஸ்.,ஸால் விபரீதம்: இளம் பெண் தற்கொலை

எஸ்.எம்.எஸ்.,ஸால் விபரீதம்: இளம் பெண் தற்கொலை

Re: எஸ்.எம்.எஸ்.,ஸால் விபரீதம்: இளம் பெண் தற்கொலை