ஏரியில் தூர்வாரும் போது புதையல் கண்டெடுப்பு

நவீன் · நவீன் Tue Aug 03, 2010 2:40 pm

ஓசூர் : கிருஷ்ணகிரி அடுத்த ராயக்கோட்டை அருகே, ஏரியில் தூர்வாரும்
பணியின் போது, பூமிக்கு அடியில் பித்தளை சொம்பில் இருந்த 11 வெள்ளி காசு
புதையல் கண்டெடுக்கப்பட்டது.
கிருஷ்ணகிரி மாவட்டம் ராயக்கோட்டை அடுத்த தொட்ட திம்மனஅள்ளி
ஊராட்சிக்குட்பட்டது முத்தம்பட்டியில் ஏரி. இங்கு தேசிய ஊரக வேலை
உறுதியளிப்பு திட்டம் மூலம் தூர்வாரும் பணியில் தொழிலாளர்கள் நேற்று
ஈடுபட்டனர். ஏரியை ஆழப்படுத்தும் போது, பூமிக்கடியில் பித்தளை செம்பு
கிடைத்தது. ஆர்வத்துடன் தொழிலாளர்கள் செம்பை திறந்து பார்த்தனர். அதில்,
இரண்டு சிறிய அரை ரூபாய் வெள்ளி காசுகளும், ஒன்பது ஒரு ரூபாய் பெரிய
வெள்ளி காசுகளும் இருந்தன. ஆச்சரியம் அடைந்த மற்ற தொழிலாளர்களும் வெள்ளி
காசுகளை வாங்கி பார்த்தனர். தகவல் அறிந்த தாசில்தார் மல்லிகா மற்றும்
வருவாய்த் துறை அதிகாரிகள் சம்பவ இடத்துக்கு சென்று வெள்ளி காசு புதையலை
தொழிலாளர்களிடம் இருந்து பெற்று ஆய்வு செய்தனர்.
வெள்ளி காசில் ஆங்கிலத்தில் எழுதப்பட்டிருந்தது. நாணயத்தின் ஒரு
பக்கத்தில் 1942ம் ஆண்டு மற்றும் ஆறாவது ஜார்ஜ் மன்னர் பெயர், அவரது
உருவம் பொறிக்கப்பட்டிருந்தது. மற்றொரு பக்கத்தில் அரை ரூபாய் மற்றும்
ரூபாய் என ஆங்கிலத்தில் எழுதப்பட்டிருந்தது. நாடு சுதந்திரம் அடைவதற்கு
முன் இந்தியாவில் பிரிட்டிஷார் தங்களுக்கு கீழ் ஆட்சி செய்த மன்னர்கள்
ஆட்சி பகுதியில் பயன்படுத்திய நாணயங்களாக இருக்கக் கூடும் என, வருவாய்த்
துறை அதிகாரிகள் தெரிவித்தனர்.

ஏரியில் தூர்வாரும் போது புதையல் கண்டெடுப்பு

ஏரியில் தூர்வாரும் போது புதையல் கண்டெடுப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக