மதுரையில் படம் பார்க்க வந்தவர் கொலையாளியானது எப்படி?

by நவீன் Tue Aug 03, 2010 2:21 pm

மதுரை : மதுரை தங்கரீகல் தியேட்டரில் படம் பார்க்க வந்தவர்,
எதிர்பாராதவிதமாக கொலையாளியாக மாறி, அரசு மருத்துவமனையில் சிகிச்சை
பெறுகிறார்.விருதுநகர் மாவட்டம் ஓ. கோவில்பட்டியைச் சேர்ந்தவர்
தங்கம்(25). நேற்று முன் தினம் நண்பர் ஒருவரிடம் 100 ரூபாய் கடன் வாங்கிக்
கொண்டு மதுரை வந்தார். தங்கரீகல் தியேட்டரில் காலை காட்சியை
பார்த்துவிட்டு, மதியம் வெளியேறிய அவர், பெரியார் பஸ் ஸ்டாண்ட் பகுதிக்கு
எளிதாக செல்ல நினைத்து, தியேட்டர் காம்பவுண்ட் சுவரில் ஏறினார். இதை
கவனித்த தியேட்டர் வாட்ச்மேன் ராமர் (60), சத்தம் போட, பயந்து போன அவர்,
காம்பவுண்ட் சுவரை ஒட்டிய பள்ளி வளாகத்தில் குதித்தார். ராமர் விரட்ட,
பள்ளி மாடியில் ஏறினார் அவர்.
அங்கு இருவருக்கும் தள்ளுமுள்ளு ஏற்பட, ராமர் காலை தங்கம்
வாரிவிட்டதில், கீழே உருண்டு விழுந்தார். இருவரையும் பின்தொடர்ந்து வந்த
தியேட்டர் எலக்ட்ரீசியன் ராமகிருஷ்ணனும் (65), தங்கத்தை பிடிக்க
முயன்றார். பயந்து போன அவர், மாடியில் இருந்து குதித்து பிடிபட்டார்.
காயமடைந்த ராமர், தங்கம் அரசு மருத்துவமனைக்கு அழைத்துச் செல்லப்பட்டனர்.
இதில் ராமர் சிகிச்சை பலனின்றி இறந்ததை தொடர்ந்து, தங்கம் மீது
திலகர்திடல் போலீசார் கொலை வழக்குப்பதிவு செய்தனர். நாடி மற்றும் முதுகு
தண்டுவடத்தில் காயம் ஏற்பட்ட நிலையில் தொடர்ந்து சிகிச்சை பெறும்
தங்கத்திற்கு போலீஸ் பாதுகாப்பு போடப்பட்டுள்ளது.
உதவிகமிஷனர் கணேசன் கூறியதாவது: குணமாக நீண்டநாள் ஆகும் என்றால்,
மாஜிஸ்திரேட்டை மருத்துவமனைக்கே அழைத்து வந்து தங்கத்தை "ரிமாண்ட்' செய்ய
திட்டமிட்டுள்ளோம். பின், அவரை மருத்துவமனையில் உள்ள கைதிகள் பிரிவில்
அனுமதித்து தொடர் சிகிச்சை அளிக்க உள்ளோம், என்றார்.

by ரபீக் Tue Aug 03, 2010 2:22 pm

மதுரையில் படம் பார்க்க வந்தவர் கொலையாளியானது எப்படி?

மதுரையில் படம் பார்க்க வந்தவர் கொலையாளியானது எப்படி?

Re: மதுரையில் படம் பார்க்க வந்தவர் கொலையாளியானது எப்படி?