Latest topics

இஸ்ரேல் மீது ஏவுகணை வீச்சு: பாலஸ்தீனத்தில் பதட்டம்

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

இஸ்ரேல் மீது ஏவுகணை வீச்சு: பாலஸ்தீனத்தில் பதட்டம்

Post by ரபீக் Tue 3 Aug 2010 - 15:46

பாலஸ்தீனத்தில் உள்ள காஷா தீவிரவாதிகள் மீது இஸ்ரேல் விமானப்படை ஏவுகணைகளை வீசி தாக்குதல் நடத்தியது. இதில், தீவிரவாதிகளின் கமாண்டர் பலியானார். இந்த நிலையில் இஸ்ரேல் மீது நேற்று ஏவுகணை வீசப்பட்டது.

வீசப்பட்டவைகளில் 3 ஏவுகணைகள் இஸ்ரேலின் இலாட் நகரிலும், 2 ஏவுகணைகள் ஜோர்மானில் உள்ள அகுலாபா நகரிலும் விழுந்தது. இந்த 2 நகரங்களும் செங்கடல் பகுதியில் உள்ளது.

இந்த ஏவுகணை தாக்குதல்களில் வீடுகள் மற்றும் நட்சத்திர ஓட்டல்கள் இடிந்தன. 4 பேர் காயம் அடைந்தனர். 2 கார்கள் தீப்பிடித்து எரிந்து முற்றிலும் சேதமடைந்தன. ஏவுகணை தாக்குதல் நடத்தியது யார் என தெரியவில்லை.

எகிப்தில் இருந்து தாக்கப்பட்டதாக ஒரு தரப்பில் கூறப்படுகிறது. மற்றொரு தரப்பில் ஜோர்டனில் இருந்து தாக்குதல் நடத்தப்பட்டதாக தகவல்கள் தெரிவிக்கின்றன. ஆனால், அத்தாக்குதலை காஷா தீவிரவாதிகள் தான் நடத்தியிருக்க வேண்டும் என இஸ்ரேல் கருதுகிறது.

எனவே, பாலஸ்தீனம் மீது இஸ்ரேல் கடுமையான தாக்குதல் நடத்தும் என எதிர்பாக்கப்படுகிறது. இதனால் பாலஸ்தீனத்தில் பதட்டம் நிலவுகிறது.

"நீங்கள் பேசினால் நல்லதைப் பேசுங்கள். அல்லது அமைதியாக இருந்து விடுங்கள்" - நபி (ஸல்)

ரபீக்: வழிநடத்துனர்; பதிவுகள் : 15128
இணைந்தது : 07/04/2010