பிறந்தது முதல் உணவருந்தாது பால்குடித்து உயிர்வாழும் மனிதர்

நவீன் · நவீன் Tue Aug 03, 2010 2:03 pm

மும்பை: தெற்கு மும்பையில் ஒருவர் பிறந்தது முதல் பால் மட்டுமே குடித்து உயிர் வாழ்கிறார்.தெற்கு மும்பையில் உள்ள கிர்காம் கிராமத்தில் வசிக்கும் தீபக் சோக்சி (69
வயது) என்பவர் பிறந்தது முதல் திட உணவு எதுவும் சாப்பிடமால்
பால்,கோப்பி,தேநீர்,போர்ன்விட்டா போன்ற பானங்கள் மட்டுமே பருகி உயிர்
வாழ்கிறார்.
புகைப்படப்பிடிப்பாளராக
தொழில் செய்யும் இவர் சிறு வயதில் 5 அல்லது 6 லீற்றர் பால் குடித்தார்.
வயது ஏற ஏற அளவு குறைந்து தற்போது 2 அல்லது 3 கிளாஸ் மட்டுமே
குடிக்கிறார். இவருடைய உணவு முறை குறித்து டாக்டரிடம் சான்றிதழும் வாங்கி
வைத்திருக்கிறார். உடலில் சத்துக் குறைபாட்டுக்காக விற்றமின் மாத்திரைகளை
மட்டும் உட்கொள்கிறார். இது குறித்து தீபக் கூறியதாவது;
என்
வாழ்நாளில் இதுவரை திட உணவுகளை உண்டதில்லை. நான் திட உணவு உட்கொள்ள
வேண்டுமென்று கோரி பெற்றோர்,டாக்டர்களிடம் அழைத்துச் சென்றனர். ஒரு
டாக்டர் என்னை ரொட்டி சாப்பிட வைக்க முயன்றார். ஆனால், நான் நாக்கைக்
கடித்துக்கொண்டதால் டாக்டர் என்னை பால் மட்டுமே பருகுமாறு கூறினார். பின்
என் பெற்றோர்,டாக்டர்களிடம் அழைத்துப் போவதை விட்டுவிட்டு கோவில் கோவிலாக
ஏறத் தொடங்கினர். ஆனால், எந்தவித பலனில்லை. தற்போது 93 வயதாகும் என்
தாயார்,தான் இறப்பதற்குள் நான் உணவு உட்கொள்வதைப் பார்த்துவிட
வேண்டுமென்று கடவுளிடம் வேண்டிக் கொள்கிறார். எனது திருமணத்தில் கூட
மற்றவர்கள் விருந்து சாப்பிட்டபோது நான் ஒரே ஒரு கிளாஸ் பால் தான்
குடித்தேன். காய்கறிகள்,பழங்கள் பற்றியோ அதன் சுவை பற்றியோ கூட எனக்கு
எதுவும் தெரியாது.
ஒருமுறை
என் தாய் வெண்டைக்காய் வாங்கி வருமாறு கூறினார். நான் கத்தரிக்காய்
வாங்கிக் கொடுத்து திட்டு வாங்கிக் கொண்டேன். இதுவரை எனக்கு திட உணவைச்
சாப்பிட வேண்டுமென்ற எண்ணமே தோன்றியதில்லை. அதைப் பற்றி நினைத்தாலே எனக்கு
வாந்தி வரும்.
இது
குறித்து தீபக்கின் மருமகள் எலீசா கூறியதாவது; திருமணத்திற்கு முன்பு எனது
கணவர்,தனது தந்தை இதுவரை உணவே உண்டது இல்லையென்றும் வெறும் பால் தான்
குடிப்பார் என்றும் கூறினார். அதை நான் நம்பவில்லை. திருமணமாகிப் புகுந்த
வீட்டிற்கு வந்து மாமனாரைப் பார்த்த பின் தான் நம்பினேன் அவர் உணவே
உண்பதில்லை. நாங்கள் சாப்பிடுவதை வேடிக்கை பார்த்துக்கொண்டிருப்பார்.

**ராஜா** · **ராஜா** Tue Aug 03, 2010 2:05 pm

பிறந்தது முதல் உணவருந்தாது பால்குடித்து உயிர்வாழும் மனிதர் 56667

இதில பெருமை வேற

ரபீக் · ரபீக் Tue Aug 03, 2010 2:12 pm

என்ன‌ கொடுமை ?

Sponsored content · Sponsored content

பிறந்தது முதல் உணவருந்தாது பால்குடித்து உயிர்வாழும் மனிதர்

பிறந்தது முதல் உணவருந்தாது பால்குடித்து உயிர்வாழும் மனிதர்

Re: பிறந்தது முதல் உணவருந்தாது பால்குடித்து உயிர்வாழும் மனிதர்

Re: பிறந்தது முதல் உணவருந்தாது பால்குடித்து உயிர்வாழும் மனிதர்

Re: பிறந்தது முதல் உணவருந்தாது பால்குடித்து உயிர்வாழும் மனிதர்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக