மினி ஸ்கர்ட் ஆபாச உடை லண்டன் நிறுவனம் தடை

by நவீன் Tue Aug 03, 2010 1:57 pm

லண்டன்: இங்கிலாந்து தலைநகர் லண்டனின் சவுத் ஆம்ப்டன் நகர கவுன்சில்
அலுவலகத்தில் குழந்தை பிரிவில் சுமார் 400 ஊழியர்கள் வேலை பார்க்கின்றனர்.
இவர்களது உடை விஷயத்தில் புதிய நிபந்தனைகளை நிர்வாகம் விதித்துள்ளது. பெண்
ஊழியர்கள் மினி ஸ்கர்ட் அணிய தடை விதிக்கப்பட்டுள்ளது. ஆண்கள் காலர் வைத்த
சட்டை, பேன்ட் ஆகியவற்றை மட்டுமே அணியவேண்டும் என்று அறிவிக்கப்பட்டுள்ளது.

‘நுகர்வோர்
மற்றும் குழந்தைகள் பிரிவில் வேலை பார்ப்பவர்களது உடை கண்ணியமாக இருக்க
வேண்டும். மினி ஸ்கர்ட் போன்றவை கவர்ச்சியாக இருப்பதால் அவற்றுக்கு அனுமதி
இல்லை’ என்று சுற்றறிக்கையில் கூறப்பட்டுள்ளது. விதியை மீறுவோர் டிஸ்மிஸ்
செய்யப்படுவார்கள் என்றும் எச்சரிக்கப்பட்டுள்ளது. ‘மினி ஸ்கர்ட்டை ஆபாச
உடை என்று சொல்லிவிட்டார்களே’ என்று அதிருப்தியில் இருக்கின்றனர்
காலம்காலமாக அதை அணிந்து வேலைக்கு வந்த ஊழியர்கள்.