நாடு முழுவதும் மருத்துவமனைகளை முறைப்படுத்த வேண்டும்: கனிமொழி

ரபீக் · ரபீக் Tue Aug 03, 2010 11:09 am

நாடு முழுவதும் மருத்துவமனைகளை முறைப்படுத்த வேண்டும் என மாநிலங்களவை உறுப்பினர் கனிமொழி வலியுறுத்தினார்.
மருத்துவமனைகளை முறைப்படுத்தும் மசோதா மீதான விவாதம் மாநிலங்களவையில் திங்கள்கிழமை நடைபெற்றது. இதில் பங்கேற்று கனிமொழி பேசியதாவது:

மருத்துவமனையை நாடி வரும் நோயாளிகளுக்கு குறைந்தபட்சம் முதலுதவியாவது அளிக்க வேண்டும் என்பதை கட்டாயமாக்கி இருப்பது வரவேற்கத்தக்கது.

சுகாதாரம் என்பது மாநிலங்கள் தொடர்பான விஷயம். எனவே, இந்த மசோதா மாநில அரசின் உரிமைகளில் குறுக்கிடுகிறதோ என்ற அச்சமும் எழுந்துள்ளது.

இந்த மசோதாவில் கூறப்பட்டுள்ளதைவிட மருத்துவத்தில் சில மாநிலங்கள் முன்னேறியுள்ளன. உதாரணத்துக்கு, தமிழகத்தில் கலைஞர் காப்பீட்டுத் திட்டம், வருமுன் காப்போம் திட்டம் மூலம் லட்சக்கணக்கானோர் பயனடைந்துள்ளனர்.

இந்தியாவில் 6 லட்சம் டாக்டர்கள், 10 லட்சம் நர்சுகள், 2 லட்சம் பல் மருத்துவர்கள் பற்றாக்குறை உள்ளதாக சுகாதார அமைச்சர் கூறியுள்ளார். இந்தப் பற்றாக்குறையை நீக்க உடனடியாக நடவடிக்கைகளை மேற்கொள்ள வேண்டும்.

நோயாளி தொடர்பான விவரங்களை மருத்துவமனைகள் வைத்திருப்பதை கட்டாயமாக்க வேண்டும்.

மருத்துவக் கழிவு மேலாண்மை நம்மை அச்சுறுத்தி வரும் விஷயமாகும். மருத்துவக் கழிவை முறையாக அப்புறப்படுத்தாவிடில், அதுவே நோய் பரவவும் காரணமாகிவிடுகிறது.

மருத்துவமனைகளை அமைப்பது தொடர்பாகவும் முறைப்படுத்த வேண்டியது அவசியமாகி உள்ளது. சில இடங்களில் வீடுகள் கூட, போதிய வசதிகள் இன்றி மருத்துவமனைகளாக மாற்றப்படுகின்றன.

இது ஒரு முக்கியமான, ஆக்கப்பூர்வமான மசோதா. மாநிலங்களின் உரிமைகள் பாதுகாக்கப்படுவதையும், மருத்துவமனைகள் முறைப்படுத்தப்படுவதையும் உறுதி செய்ய வேண்டும் என்றார் கனிமொழி

தஞ்சை.முரளி · தஞ்சை.முரளி Tue Aug 03, 2010 11:17 am

சொல்லரத எல்லாம் நிறைவேத்திட்டா சீக்கிரம் முன்னேறிடலாம்.....

அன்பு தளபதி · அன்பு தளபதி Tue Aug 03, 2010 12:19 pm

ஏன் கலைஞர் மறுபடியும் வசனம் எழுத கிளம்பிட்டாரா

**ராஜா** · **ராஜா** Tue Aug 03, 2010 12:22 pm

நாடு முழுவதும் மருத்துவமனைகளை முறைப்படுத்த வேண்டும் என மாநிலங்களவை உறுப்பினர் கனிமொழி வலியுறுத்தினார்.

கொள்ளைக்கும்பல் அடுத்தது ஏதோ பெருசா பிளான் பண்ணிக்கிட்டு இருக்குது மகா ஜனங்களே ........ நாடு முழுவதும் மருத்துவமனைகளை முறைப்படுத்த வேண்டும்: கனிமொழி Icon_eek

Sponsored content · Sponsored content

நாடு முழுவதும் மருத்துவமனைகளை முறைப்படுத்த வேண்டும்: கனிமொழி

நாடு முழுவதும் மருத்துவமனைகளை முறைப்படுத்த வேண்டும்: கனிமொழி

Re: நாடு முழுவதும் மருத்துவமனைகளை முறைப்படுத்த வேண்டும்: கனிமொழி

Re: நாடு முழுவதும் மருத்துவமனைகளை முறைப்படுத்த வேண்டும்: கனிமொழி

Re: நாடு முழுவதும் மருத்துவமனைகளை முறைப்படுத்த வேண்டும்: கனிமொழி

Re: நாடு முழுவதும் மருத்துவமனைகளை முறைப்படுத்த வேண்டும்: கனிமொழி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக