69.3 கோடி டன் பிளாஸ்டிக் கடலில் மிதப்பதால் ஆபத்து.!!

நிசாந்தன் · நிசாந்தன் Tue Aug 03, 2010 10:59 am

வாஷிங்டன் : உலகின் ஒட்டு மொத்த கடற்பரப்பில் சுமார் 69 ஆயிரத்து 300 கோடி கிலோ பிளாஸ்டிக் பொருட்கள் மிதந்து வருவதாக புள்ளி விவரம் தெரிவித்துள்ளது. பிளாஸ்டிக் கழிவுப் பொருட்கள் அதிகமான அளவில் கடலில் கலந்து வருகிறது. பெரிய நகரங்களை ஒட்டியுள்ள கடல் பகுதியிலும் ஆறுகள், கால்வாய்கள் கடலில் கலக்கும் பகுதிகளிலும் பிளாஸ்டிக் குப்பைகள் அதிகம் மிதக்கின்றன. இதனால் கடல் வளம் பாதிக்கப்படுவதோடு, பிளாஸ்டிக் பொருட்களை சாப்பிட்டு கடல்வாழ் உயிரினங்கள் இறப்பதும் அதிகரித்துள்ளது.

பெரிய உயிரினமான திமிங்கலம் முதல் சிறிய உயிரினங்கள் வரை இதிலிருந்து தப்பவில்லை. இந்நிலையில் ஒட்டு மொத்த கடற்பரப்பில் தற்போது எவ்வளவு பிளாஸ்டிக் பொருட்கள் உள்ளன என்று கடல் ஆராய்ச்சியில் ஈடுபடும் ஸ்டிவ் வில்சன் அமைப்பு ஆய்வு செய்து தகவல் வெளியிட்டுள்ளது.

அதன் விவரம் வருமாறு: உலக கடற்பரப்பில் இன்றை சூழலில் சுமார் 69 ஆயிரத்து 300 கோடி கிலோ எடைகொண்ட பிளாஸ்டிக் பொருட்கள் மிதக்கின்றன. கடற்பரப்பில் சிறிய தீவுகள் போல் பிளாஸ்டிக் மினரல் வாட்டர் பாட்டில்கள், மருந்து பாட்டில்கள், பைகள் மிதந்து வருகின்றன. இவற்றை அகற்ற வேண்டுமானால் மிகப் பெரிய கப்பல்கள் தேவை. ஒவ்வொரு அமெரிக்கரும் ஆண்டுக்கு 1,320 கிலோ பிளாஸ்டிக் கழிவுப் பொருள் உருவாக காரணமாக இருக்கிறார்.

கடலில் பிளாஸ்டிக் கலப்பதை தடுக்க, கடற்கரை பகுதிகளில் பிளாஸ்டிக் பொருட்களை பயன்படுத்துவதை தடுக்க வேண்டும். மேலும் கழிவு பிளாஸ்டிக்கை கடற்கரை பகுதியில் இருந்து அகற்ற நூற்றுக்கணக்கான மக்களை பயன்படுத்த வேண்டும் என்று வில்சன் அமைப்பு தெரிவித்துள்ளது.

69.3 கோடி டன் பிளாஸ்டிக் கடலில் மிதப்பதால் ஆபத்து.!!

69.3 கோடி டன் பிளாஸ்டிக் கடலில் மிதப்பதால் ஆபத்து.!!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக