இந்திய சீனியர் அணிக்கு யுவராஜ் சிங் கேப்டன்

by **சிவா** Sun Oct 12, 2008 3:30 pm

பெங்களூரு: கட்டாக்கில் வரும் 23ம் தேதி முதல் 26ம் தேதி வரை என்.கே.பி. சால்வி சாலஞ்சர் கோப்பைக்கான கிரிக்கெட் தொடர் நடக்கிறது. இதில் இந்தியா புளூ, இந்தியா ரெட், இந்தியா கிரீன் என மூன்று அணிகளாக விளையாடுகின்றனர். இந்தியா புளூ அணிக்கு யுவராஜ் சிங் கேப்டனாகவும், இந்தியா ரெட் அணிக்கு பத்ரிநாத் கேப்டனாகவும், இந்தியா கிரீன் அணிக்கு முகமது கைப் கேப்டனாகவும் நியமிக்கப்பட்டுள்ளனர். மேலும் இந்தியா புளூ அணியில் ராபின் உத்தப்பா, விராத் கோஹ்லி, தினேஷ் கார்த்திக், இர்பான் பதான், அசோக் டிண்டா, அமித் மிஸ்ரா உள்ளிட்ட வீரர்கள் விளையாடுகின்றனர். இந்தியா ரெட் அணியில் ரோகித் சர்மா, பிரவீண் குமார், பாலாஜி, பியுஸ் சாவ்லா, பார்த்திவ் படேல் உள்ளிட்ட வீரர்கள் களமிறங்குகின்றனர். இந்தியா கிரீன் அணியில் சுரேஷ் ரெய்னா, யூசுப் பதான், கோனி, ஆர்.பி. சிங், ஓஜா, தவான் உள்ளிட்ட வீரர்கள் விளையாடுகின்றனர்.

by **சிவா** Sun Oct 12, 2008 3:31 pm

பெங்களூரு: இந்தியாவுக்கு எதிரான முதல் டெஸ்ட் கிரிக்கெட் போட்டியின் 4 ம் நாள் ஆட்டத்தில் ஆஸ்திரேலியா 2வது இன்னி்ங்சில் 3 விக்கெட் இழப்பிற்கு 103 ரன்கள் எடுத்துள்ளது. முதல் இன்னிங்ஸ்: ஆஸ்திரேலியா- 430; இந்தியா- 360

by **சிவா** Sun Oct 12, 2008 3:31 pm

பல்கேரியா: பல்கேரியன் கிராண்ட்பிரிக்ஸ் பாட்மின்டன் தொடர் பல்கேரியாவில் நடக்கிறது. இன்று நடக்கும் பெண்கள் இரட்டையர் பிரிவு பைனலில் இந்தியாவின் ஜுவாலா குட்டா, சுருதி குரியன் ஜோடி, இந்தோனேஷியாவின் சென்டி புஸ்பா இராவதி, மிலியனா ஜவ்காரி ஜோடியை சந்திக்கிறது. கலப்பு இரட்டையர் பிரிவு பைனலில் இந்தியாவின் திஜு, ஜுவாலா குட்டா ஜோடி, இந்தோனேஷியாவின் பிரான் குர்னியவான், சென்டி புஸ்பா இராவதி ஜோடியை எதிர்கொள்கிறது.

by **சிவா** Sun Oct 12, 2008 3:31 pm

வியன்னா: வியன்னா நகரில் ஆண்களுக்கான ஏ.டி.பி., பாங்க் ஆஸ்திரியா டென்னிஸ் தொடர் நடக்கிறது. நேற்று நடந்த இரட்டையர் அரையிறுதிப் போட்டியில் இந்தியாவின் மகேஷ் பூபதி, பகாமசின் மார்க் நோவல்ஸ் ஜோடி, பெலாரசின் மேக்ஸ் மிரின்யி, இஸ்ரேலின் ஆன்டி ராம் ஜோடியிடம் 6-2, 3-6, 8-10 என்ற செட் கணக்கில் தோல்வி அடைந்து வெளியேறியது.

by **சிவா** Sun Oct 12, 2008 3:32 pm

மாஸ்கோ: ரஷ்ய தலைநகர் மாஸ்கோவில் உலகின் முன்னணி வீரர், வீராங்கனைகள் மோதும் கிரம்ளின் கோப்பை டென்னிஸ் தொடர் நடக்கிறது. இன்று நடக்கும் பெண்கள் ஒற்றையர் பிரிவு பைனலில் செர்பியாவின் ஜெலினா ஜான்கோவிச், ரஷ்யாவின் வீரா ஸ்வொனரேவாவை சந்திக்கிறார்.

by **சிவா** Sun Oct 12, 2008 3:32 pm

டொரன்டோ: கனடாவில் இலங்கை, பாகிஸ்தான், கனடா, ஜிம்பாப்வே உள்ளிட்ட நான்கு நாடுகள் விளையாடும் சர்வதேச "டுவென்டி20' தொடர் நடக்கிறது. நேற்று நடந்த போட்டியில் இலங்கை, பாகிஸ்தான் அணிகள் மோதின. "டாஸ்' வென்ற பாகிஸ்தான் பீல்டிங் தேர்வு செய்தது. முதலில் பேட் செய்த இலங்கை அணி நிர்ணயிக்கப்பட்ட 20 ஓவரில் 9 விக்கெட் இழப்புக்கு 137 ரன்கள் எடுத்தது. இலங்கை அணியின் முபாரக் 39 ரன்கள் எடுத்தார். பாகிஸ்தான் சார்பில் உமர் குல் 4 விக்கெட் வீழ்த்தினார். பின்னர் களமிறங்கிய பாகிஸ்தான் அணி 19.5 ஓவரில் 7 விக்கெட் இழப்புக்கு 141 ரன்கள் எடுத்து 3 விக்கெட் வித்தியாசத்தில் இரண்டாது வெற்றியை பெற்றது. பாகிஸ்தான் கேப்டன் சோயப் மாலிக் 42 ரன்கள் எடுத்து ஆட்ட நாயகனாக தேர்வு செய்யப்பட்டார். இலங்கை சார்பில் வீரரத்னே 4 விக்கெட் வீழ்த்தினார். இதன்மூலம் பாகிஸ்தான் அணி பைனல் செல்லும் வாய்ப்பை பிரகாசப்படுத்திக் கொண்டது. இங்கு நடந்த மற்றொரு போட்டியில் முதலில் பேட் செய்த கனடா அணி நிர்ணயிக்கப்பட்ட 20 ஓவரில் 7 விக்கெட் இழப்புக்கு 135 ரன்கள் எடுத்தது. எளிய இலக்கை விரட்டிய ஜிம்பாப்வே அணி 20 ஓவரில் 9 விக்கெட் இழப்புக்கு 135 ரன்கள் எடுத்து போட்டியை "டிரா' செய்தது. கனடா அணியின் ஹார்விர் பைடுவான் 3 விக்கெட்டுகள் வீழ்த்தினார். ஜிம்பாப்வேயின் தைபு 37 ரன்கள் எடுத்து ஆட்ட நாயகன் விருதை பெற்றார். இன்று நடக்கும் போட்டியில் பாகிஸ்தான், கனடாவையும், இலங்கை அணி, ஜிம்பாப்வேயையும் சந்திக்கின்றன.

by **சிவா** Sun Oct 12, 2008 3:33 pm

பெங்களூரு : மொகாலியில் நடைபெற உள்ள ஆஸ்திரேலிய அணிக்கு எதிரான இரண்டாவது கிரிக்கெட் டெஸ்டில் இருந்து இந்திய டெஸ்ட் கிரிக்கெட் கேப்டன் அனில் கும்ளே விலகி உள்ளார். பெங்களூருவில் நடைபெற்று வரும் முதல் டெஸ்டில் அவருக்கு ஏற்பட்டுள்ள தோல்பட்டை காயம் காரணமாக அவர் மொகாலியில் நடைபெற உள்ள டெஸ்டில் இருந்து விலக போவதாக தெரிவிக்கப்பட்டுள்ளது.

by Sponsored content

இந்திய சீனியர் அணிக்கு யுவராஜ் சிங் கேப்டன்

இந்திய சீனியர் அணிக்கு யுவராஜ் சிங் கேப்டன்

இந்தியா- ஆஸ்திரேலியா கிரிக்கெட்: 2வது இன்னிங்சில் ஆஸ்திரேலியா 103/3

பல்கேரியன் கிராண்ட்பிரிக்ஸ் பாட்மின்டன்: பைனலில் ஜுவாலா குட்டா-சுருதி குரியன் ஜோடி

பாங்க் ஆஸ்திரியா டென்னிஸ்: அரையிறுதியில் மகேஷ் பூபதி-மார்க் நோவல்ஸ் ஜோடி தோல்வி

கிரம்ளின் கோப்பை டென்னிஸ்: பைனலில் ஜான்கோவிச்-ஸ்வொனரேவா மோதல்

கனடா "டுவென்டி20'': பாகிஸ்தானுக்கு இரண்டாவது வெற்றி

இரண்டாவது டெஸ்டில் இருந்து அனில் கும்ளே விலகல்

Re: இந்திய சீனியர் அணிக்கு யுவராஜ் சிங் கேப்டன்