அழகு செய்யும் முன் நாம் கவனிக்கவேண்டிய சில விதிமுறைகள்

அழகு செய்யும் முன் நாம் கவனிக்கவேண்டிய சில விதிமுறைகள்:

* மிக அழகாக உள்ளவர்கள் முக அலங்காரம் செய்துகொள்வதால் இன்னும் அவர்களுடைய அழகு அதிகரிக்கிறது.

* சருமத்திற்கு ஒத்துப்போகக்கூடிய முக அலங்காரம் செய்துகொள்ள வேண்டும்.

* எங்களது நிறத்திற்கு ஏற்றவாறு foundation -ஐத் தெரிவுசெய்ய வேண்டும்.

* அநேகமாக பெண்கள் முகஅலங்காரம் செய்துகொள்ளும்போது காது, பின்கழுத்து, முன் கழுத்து இவைகளைக் கவனித்துச் செய்வதில்லை. அப்படியில்லாமல் கவனமாக இப்பகுதிகளுக்கும் மேக்கப் செய்ய வேண்டும்.

* மேக்கப் பொருட்கள் விலை குறைந்தது, Name brand இல்லாத பொருட்களை வாங்கக்கூடாது. விலை கூடினாலும் மூலப் பொருட்கள் உள்ளவற்றைப் பார்த்து வாங்க வேண்டும்.

* மேக்கப் போடும்போது நெற்றியில் ஆரம்பித்து புருவங்களின் கீழும் கன்னங்களின் கீழும் மூக்கின் ஓரங்களிலும், காது, பின் கழுத்து, முன்கழுத்து என்று கீழ் நோக்கிப் போடவேண்டும். ஏனென்றால் முகத்திலுள்ள முடியின் அமைப்பு கீழ் நோக்கி அமைந்திருக்கும்.

* மேக்கப் பொருட்கள் வாங்கும்போது தயாரித்த திகதியைப் பார்த்து வாங்க வேண்டும். ஏனென்றால பழையதாக இருந்தால் சருமம் பாதிக்கப்படலாம்.

* மேக்கப் பொருட்கள் வாங்கும்போது சிறிய அளவுகளாகவே வாங்க வேண்டும்.

* மேக்கப் பொருட்கள் சூரியவெளிச்சம், மற்றும் தூசி படாமலும், காற்றுள்ள இடத்தில் வைக்கவேண்டும். உதட்டுச் சாயம், கண் மை போன்றவற்றை கவனமாக வைக்க வேண்டும்.

* முடிந்தவரை ஒரே வகை தயாரிப்புகளையே உபயோகிக்க வேண்டும். அடிக்கடி மாற்றக் கூடாது.

* மேக்கப் போடுவதற்கு முன்னர் கைகளைச் சுத்தமாக கழுவ வேண்டும். கண்களுக்கு மை போடும்போது கவனமாக இருக்க வேண்டும்.

* எந்த மேக்கப்பாக இருந்தாலும் இரவு படுக்கப் போகுமுன் கழுவிவிட்டு சருமத்தை துப்புரவாக விடவேண்டும்.

* முக்கியமாக கண் மேக்கப் அதற்கேற்ற லோஷன் போட்டு கவனமாக எடுக்க வேண்டும்.

* மேக்கப்பிற்கு பாவிக்கும் பிரசையும் நல்லதாக வாங்கவேண்டும். பாவித்தவுடன் சவர்க்காரம், 60% அல்கஹோல் போட்டு கழுவி துப்பரவு செய்யவேண்டும்.

* வாசனைத் திரவியங்கள்கூட அழகுச் சாதனங்களின் அடிப்படையில் வருவதால் இதைப் போட்டுக்கொள்வதற்கும் முறைகள் உண்டு. இதை அதிகமாகப் போட்டுக் கொள்ளக் கூடாது. காதின் பின்புறத்தின் கீழ்பாகத்திலும் கைகள் சேருமிடத்திலும் மணிக்கட்டிலும் போட வேண்டும். இந்த இடங்களில் நாடித்துடிப்பு இருப்பதால் அதிகநேரம் வாசனை இருக்கும்.

மேக்கப்பிலும் பல வகை உண்டு. சினிமா மேக்கப், நாடக மேக்கப், ரீவீ மேக்கப், டான்ஸ் மேக்கப், திருமணத்திற்குரிய மேக்கப், காலை மாலை சாதாரண மேக்கப் என்று பல வகை உண்டு. ஒவ்வொரு மேக்கப் செய்வதற்கும் மேக்கப்பிற்கு ஏற்ப நேர வித்தியாசங்கள் உண்டு. எல்லா மேக்கபும் பழகப் பழக விரைவில் செய்துகொள்ளலாம்.

மேக்கப் என்பது ஒரு கலை. ரசித்துச்செய்தால் நன்றாக அமையும்.