இம்மாதத்தில் ஐ.நா நிபுணர் குழுவின் உத்தியோகபூர்வ செயற்பாடுகள்

நிசாந்தன் · நிசாந்தன் Tue Aug 03, 2010 12:01 am

இலங்கையின் பதிலளிக்கும் கடப்பாடுகள் தொடர்பாக தனக்கு ஆலோசனை வழங்குவதற்காக ஐ.நா. செயலாளர் நாயகம் பான் கீ மூன் நியமித்திருந்த விசேட நிபுணர் குழுவானது இந்த மாதத்தின் முதல் இரு வாரங்களில் தனது உத்தியோகபூர்வ அமர்வுகளை ஆரம்பிக்கவுள்ளது. இலங்கையின் மனித உரிமைகள் தொடர்பான பதிலளிக்கும் கடப்பாடுகள் குறித்த உறுதிப்பாடுகளை ஆராய்வதற்காக இலங்கை அதிகாரிகளுடன் நிபுணர் குழுவானது ஒத்துழைத்து செயற்படுவது குறித்த எதிர்பார்ப்புடன் உள்ளது. அமர்வுகளை உத்தியோகபூர்வமாக ஆரம்பித்த பின்னர் இந்த விடயம் தொடர்பாக ஆராயுமென ஐ.நா.வின் பேச்சாளர் கூறியுள்ளார். உரிமை மீறல்கள் தொடர்பான குற்றச்சாட்டுகள் குறித்து ஆராயப்படுமென 2009 இல் ஐ.நா. செயலாளர் நாயகம் இலங்கைக்கு விஜயம் மேற்கொண்ட போது அறிக்கையொன்று வெளியிடப்பட்டிருந்தது.

இதேவேளை, எந்தெந்த விடயங்களில் நிபுணர் குழுவானது ஆய்வுகளை நடத்தவுள்ளது என்பது பற்றி ஐ.நா. அதிகாரி விபரிக்க மறுத்துவிட்டார். நிபுணர் குழுவானது இன்னரும் உத்தியோகபூர்வமாக அமர்வுகளை ஆரம்பிக்காத நிலையில் அதுதொடர்பாக விபரிக்க முடியாதென அவர் தெரிவித்திருக்கிறார். இந்த மாதம் அமர்வுகளை ஆரம்பித்த பின்னர் எவ்வாறு நடவடிக்கைகளை முன்னெடுப்பது என்பது குறித்து அக்குழு முடிவு செய்யும். சகலதரப்பட்ட விடயங்களையும் நிபுணர் குழுவானது பரிசீலனை செய்யுமென்று அந்த அதிகாரி மேலும் கூறியுள்ளார்.

கடந்த ஜூலை 20 இல் நியூயோர்க்கில் உத்தியோகப்பற்றற்ற முறையில் நிபுணர் குழு சந்தித்திருந்தது. நான்கு மாதங்களில் விசாரணைகளைப் பூர்த்திசெய்யுமாறு இக்குழுவுக்கு பணிக்கப்பட்டுள்ளது. ஐ.நா. மனித உரிமைகள் ஆணையாளர் அலுவலகத்தின் பிரதிநிதி ரிச்சட் பெனட் நிபுணர் குழுவின் தலைமை அதிகாரியாக நியமிக்கப்பட்டுள்ளார். நான்கு மாதங்களின் பின்னரே நிபுணர் குழு தனது அறிக்கையைச் சமர்ப்பிக்கும் என்று எதிர்பார்க்கப்படுகிறது.

இம்மாதத்தில் ஐ.நா நிபுணர் குழுவின் உத்தியோகபூர்வ செயற்பாடுகள்

இம்மாதத்தில் ஐ.நா நிபுணர் குழுவின் உத்தியோகபூர்வ செயற்பாடுகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக