பிளாஸ்டிக் பாட்டில்களால் நீரிழிவு, இதய நோய் அபாயம்

தாமு · தாமு Thu 3 Dec 2009 - 6:54

புதுடில்லி:பிளாஸ்டிக் பாட்டில்கள் பயன்படுத்துவதால், இதய நோய் மற்றும் நீரிழிவு நோயும் ஏற்படும் அபாயம் இருப்பது தெரியவந்துள்ளது.இவற்றை பயன்படுத்துவோரிடம் நடந்த ஆய்வில், 90 சதவீதம் பேருக்கு சிறுநீரில் அதிகளவு, கெடுதல் ஏற்படுத்தக்கூடிய ரசாயனம் இருந்தது தெரியவந்துள்ளது. இதற்கு காரணம் பிளாஸ்டிக் பாட்டில்களில் பயன்படுத்தப்படும் பிஸ்பினால் - ஏ (பி.பி.ஏ.,) என்ற ரசாயனம்.

இந்தியாவில் 2003ம் ஆண்டில் மட்டும் 20 லட்சம் டன் பி.பி.ஏ., உற்பத்தி செய் யப்பட்டது. இது கடினமான பிளாஸ்டிக்கை ஏற்படுத்தக் கூடியது என்பதால், பல்வேறு பிளாஸ்டிக் பொருட்களிலும் பயன்படுத்தப்படுகிறது. மறு சுழற்சி செய்யப்படும் பிளாஸ்டிக் பொருட் களில், இது அதிகளவில் பயன்படுத்தப்படுகிறது.இந்திய தரக்கட்டுப்பாட்டு நிறுவனம், பிளாஸ்டிக் பொருட்கள் தயாரிப்புக்கு பல்வேறு விதிமுறைகள் வகுத்துள்ளது. பி.பி.ஏ., தடை செய்யப்படாததால், பிளாஸ்டிக் பொருட்களில் இவை அதிகளவில் பயன்படுத் தப்படுகிறது.

பிளாஸ்டிக் பொருட்கள் மறுசுழற்சி செய்யப்படும் போது, ஏழு குறியீடுகள் தரப்படுகிறது. பிளாஸ்டிக் பாட்டில் அல்லது பெட்டியின் கீழ்புறத்தில் உள்ள முக்கோணத்தில், ஒன்று என்ற குறியீடு காணப்பட்டால், அது பெட் என்று அழைக்கப்படும், பாலி - எதிலின் டெரெ பிதலேட்டால் தயாரிக்கப்பட்டது என்று பொருள். அதாவது, அதில் பி.பி.ஏ., ரசாயனம் உள்ளது என்று அர்த்தம்.பி.பி.ஏ., ரசாயனத்தை பயன்படுத்தி தயாரிக்கப்படும் பிளாஸ்டிக் பொருட்களை உபயோகிப்பவர்களுக்கு, கல்லீரலில் பாதிப்பு, கணையத்தின் செயல்பாடு களில் பாதிப்பு, தைராய்டு குறைபாடுகள், எடை அதிகரித்தல் போன்ற பிரச்னைகள் ஏற்படும் என்று ஏற்கனவே தெரிவிக்கப்பட்டு இருந்தது.

தற்போது, இதய நோய் மற்றும் நீரிழிவு நோய்க்கும் இது நேரடி காரணமாக இருப்பது தெரியவந்துள்ளது.சமீபத்தில், குழந்தைகளுக்கான பிளாஸ்டிக் பாலிகார்பனேட் பால் புட்டிகளுக்கு பிரிட்டன் தடை விதித்தது குறிப்பிடத்தக்கது.

நன்றி தினமலர்.