ஹூப்ளி ஓட்டலில் சாப்பாடு விலை ரூ.2

ஹூப்ளி : அத்தியாவசியப் பொருட்கள் விலை உயர்ந்துள்ள நிலையில், கர்நாடகாவிலுள்ள ஹூப்ளி நகரில் ஒரு ஓட்டலில், ஏழை மக்களுக்கு 2 ரூபாய் விலையில் சாப்பாடு வழங்கப்படுவது, அனைவரையும் வியப்பில் ஆழ்த்தியுள்ளது.

ஹூப்ளியை சுற்றியுள்ள கிராமங்களிலிருந்து, கூலி வேலைக்காக மக்கள் தினமும் ஹூப்ளிக்கு வந்து செல்கின்றனர். ஏழை தொழிலாளர்களான அவர்கள் மதிய உணவுக்காக, தங்கள் வாங்கும் கூலியில் பாதிக்கும் மேல் செலவிடுகின்றனர். ஹூப்ளியில் செயல்பட்டு வரும் "மகாவீர் இளைஞர் கூட்டமைப்பு' ஏழைத் தொழிலாளர்கள் உணவுக்காக படும் சிரமங்களைக் கண்டு வருந்தியது. விலைவாசி உயர்வு விண்ணை முட்டும் அளவுக்கு உயர்ந்துள்ள நிலையில், குறைந்த விலையில், அவர்களுக்கு நிறைவான உணவு வழங்க திட்டமிட்டது.அதன்படி, அந்த கூட்டமைப்பு ஒரு சிறிய ஓட்டல் தொடங்கி, ஏழை கூலித் தொழிலாளர்களுக்கு 2 ரூபாய் விலையில் தரமான சாப்பாட்டை வழங்கி வருகிறது. இந்த மதிய உணவில், பெரிய ஓட்டல்களில் வழங்கப்படுவது போன்றே 2 சப்பாத்தி, அரிசி சோறு, இனிப்பு, பொறியல் என அனைத்து அம்சங்களும் உண்டு. சைவ ஓட்டலான இதில், தினமும் வெவ்வேறு உணவு வகைகள் தயாரிக்கப்பட்டு வழங்கப்படுகின்றன.

இது குறித்து, மகாவீர் இளைஞர் கூட்டமைப்பின் செயலர் ஆனந்தகுமார் பாட்வா கூறியதாவது: தினமும் கூலி வேலைக்காக ஹூப்ளிக்கு வந்து செல்லும் ஏழை தொழிலாளர்களுக்காக இந்த ஓட்டல் தொடங்கப்பட்டுள்ளது. இதில், ஏழைகள் மட்டுமல்லாது யார் வேண்டுமானாலும் வந்து சாப்பிடலாம். அவர்களுக்கும் அதே விலையில் உணவு கிடைக்கும்.முதலில், இந்த சேவையை இலவசமாக வழங்க முடிவு செய்தோம். அதன்படி ஓரிரு வாரங்கள் உணவு இலவசமாக வழங்கப்பட்டது. ஆனால், இதனை சிலர் தவறாக பயன்படுத்தத் தொடங்கி விட்டனர். ஒருவரே, ஒன்றுக்கும் மேற்பட்ட உணவுகளை வாங்கி வீணடிப்பது போன்ற செயல்களில் ஈடுபடத் தொடங்கினர். எனவே, வேறு வழியின்றி கட்டணம் நிர்ணயித்தோம்.இரண்டு மாதங்களுக்கு இது நடைமுறைப்படுத்தப்படும். மக்களின் ஒத்துழைப்பை பொறுத்து, உணவை இலவசமாகவே வழங்க திட்டமிட்டுள்ளோம். இந்த ஓட்டலை தொடங்க, எங்கள் கூட்டமைப்பு உறுப்பினர்கள் மட்டுமல்லாது, பொதுமக்களும் ஏராளமான உதவிகளை தாமாகவே முன் வந்து செய்துள்ளனர். அவர்களுக்கு நன்றியை தெரிவித்துக் கொள்கிறோம்.இவ்வாறு ஆனந்தகுமார் பாட்வா கூறினார்

இதனால்தான் இன்னும் மழை பெய்யுது

வாழ்துக்கள்.தொடரட்டும் இவர்கள் சமுதாய பணி



ராம்

நல்லக்காரியங்கள் செய்யும் இளைஞர்களால் தான் நாடு முன்னேறுகிறது...

அன்பு நன்றிகள் பகிர்வுக்கு அருண்...

பகிர்வுக்கு நன்றி!