ஆப்கன் இந்திய தூதரக தாக்குதல் முன்பே எச்சரித்தது போலந்து உளவுத் துறை

நிசாந்தன் · நிசாந்தன் Mon Aug 02, 2010 1:54 am

நியூயார்க்: ஆப்கானிஸ்தான் தலைநகர் காபூலில் உள்ள இந்திய தூதரகம் மீது, 2008ல் தலிபான்கள் நடத்திய தாக்குதல் குறித்து போலந்து நாட்டு உளவுத்துறை, தாக்குதலுக்கு ஒருவாரம் முன்பே எச்சரிக்கை விடுத்ததாக இப்போது செய்திகள் வெளியாகியுள்ளன. ஆப்கன் தலைநகர் காபூலிலுள்ள இந்திய தூதரகம் மீது, 2008 ஜூலை 7ம் தேதி, வெடிகுண்டுகள் நிரப்பப்பட்ட கார் மூலம் தலிபான்கள் தாக்குதல் நடத்தினர். இதில் முக்கியமான இரண்டு இந்திய அதிகாரிகள் பலியாயினர்.

அமெரிக்காவின் நியூயார்க் டைம்ஸ், பிரிட்டனின் கார்டியன், ஜெர்மனின் டெர் ஸ்பைஜெல் ஆகிய பத்திரிகைகளில் "விக்கிலீக்ஸ்` என்ற செய்தி நிறுவனம், இச்சம்பவம் நடப்பதற்கு ஒரு வாரம் முன்பே இதுகுறித்து போலந்து நாட்டு உளவுத் துறை எச்சரித்துள்ளதாக, உளவுத்துறையின் அறிக்கைகளை வெளியிட்டுள்ளது. இச்சம்பவம் குறித்து போலந்து உளவுத்துறை மொத்தம் 92 ஆயிரம் அறிக்கைகளை அனுப்பியுள்ளது. அவற்றில் ஒரு சில பகுதிகளைத்தான் விக்கிலீக்ஸ் வெளியிட்டுள்ளது.

அதில், "தலிபான்கள், காபூலிலுள்ள இந்தியத் தூதரகம் மீது தாக்குதல் நடத்த ஒரு இன்ஜினியரை நியமித்துள்ளது. அவர், ஆப்கன் ராணுவம் மற்றும் போலீசின் கார் ஒன்றையும், சீருடைகளையும் திருடியுள்ளார். இதன் பின்னணியில் பாகிஸ்தானின் ஐ.எஸ்.ஐ., இருக்கிறது` என குறிப்பிடப்பட்டுள்ளது. இதுகுறித்து அமெரிக்க தேசிய பாதுகாப்பு ஆலோசகர் ஜேம்ஸ் ஜோன்ஸ் கூறுகையில்,"இந்த ரகசியச் செய்திகள் வெளியிடப்பட்டது பொறுப்பற்ற செயல். இவற்றை வெளியிடும் முன்பு விக்கிலீக்ஸ், அமெரிக்க அரசைத் தொடர்பு கொள்ளவில்லை. தனிநபர் மற்றும் அமைப்புகளின் ரகசிய ஆவணங்களை வெளியிட்டது குறித்து அமெரிக்க அரசு கடுமையாகக் கண்டிக்கிறது` என்று கூறியுள்ளார்.

ஆப்கன் இந்திய தூதரக தாக்குதல் முன்பே எச்சரித்தது போலந்து உளவுத் துறை

ஆப்கன் இந்திய தூதரக தாக்குதல் முன்பே எச்சரித்தது போலந்து உளவுத் துறை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக