நேர்மையின் முடிவு -உமாசங்கர் ஐ.ஏ.எஸ்

ரபீக் · ரபீக் Sat 31 Jul 2010 - 22:56

சிறுசேமிப்புத்துறை ஆணையராக இருந்த உமாசங்கர் 21.7.2010 அன்று தமிழக அரசால் சஸ்பெண்ட் செய்யப்பட்டிருக்கிறார். கருணாநிதியின் குடும்ப ஆட்சிக்காக பலிகடாவாக்கப்பட்டிருக்கும் உமாசங்கரைப் பற்றி சமீபத்தில்தான் கட்டுரை ஒன்று வெளியிட்டிருந்தோம்.
ஜெயா ஆட்சியின் போது சுடுகாட்டுக்கூரை ஊழலை வெளிக்கொணர்ந்த உமாசங்கர் மீது எதிரிக்கு எதிரி நண்பன் என்ற முறையில் தி.மு.க அரசு ஆரம்பத்தில் உறவு கொண்டது. அதன்படி அரசு கேபிள் டி.வி இயக்குநராக நியமிக்கப்பட்டதும் மாறன் சகோதரர்களது சுமங்கலி டி.வியின் முறைகேடுகளுக்கு எதிராக உமாசங்கர் செயல்பட ஆரம்பித்தார்.
பின்னர் மாறன்களும் கருணாநிதி குடும்பமும் சேர்ந்து கொண்ட போது உமாசங்கர் வில்லனாக்கப்பட்டார். சுமங்கலி டி.வியை நாட்டுடமையாக்கவும், தயாநிதி மாறனை தேசிய பாதுகாப்புச் சட்டத்தில் கைது செய்ய வேண்டும் என்று அவர் கூறியதை மாறன்கள் மறக்கவோ மன்னிக்கவோ தயாரில்லை. அதை தடுப்பதற்கு கருணாநிதியும் தயாரில்லை. பிரிவினை வந்த குறுகிய காலத்திலும் மாறன்களுக்கும், மு.க.ஸ்டாலினுக்கும் நல்லுறவு இருந்து வந்தது குறிப்பிடத்தக்கது.
இறுதியில் உமா சங்கரை பழிவாங்கும் நடவடிக்கையாக அவர் வருமானத்திற்கு அதிகமாக சொத்து சேர்த்தார் என்று சொல்லி விசாரிக்க ஆரம்பித்தார்கள். அதற்கு நீதிமன்றத்தில் தடையுத்தரவு பெற்ற உமாசங்கர் தான் பழிவாங்கப்படுவதற்கான காரணத்தையும் தெளிவாகவே தனது மனுவில் குறிப்பிட்டுள்ளார்.
நீதிமன்றம் வழியாக தண்டிப்பதற்கு காலதாமதம் ஆகுமென்ற காரணத்தைக் கூட தாங்கிக்கொள்ளாத தி.மு.க அரசு நேற்று அவரை சஸ்பெண்ட் செய்து தனது பாசிச வெறியை தணித்துக் கொண்டது. அவரை என்ன முகாந்திரத்தில் சஸ்பெண்ட் செய்தார்கள் என்பது எந்த நாளிதழிலும் வெளிவரவில்லை. விசாரித்தாலும் தெரியவில்லை.
வருமானத்திற்கு அதிகமாக சொத்து சேர்த்தார் என்ற குற்றச்சாட்டை விசாரிக்கலாமா என்பது நீதிமன்ற வழக்கில் உள்ளதால் அதன்படி இடை நீக்கம் செய்ய வாய்ப்பில்லை. மற்றபடி கிறித்தவ தலித்தான உமா சங்கர் தன்னை இந்து தலித்தாக பொய் சான்றிதழ் கொடுத்து வேலைக்கு சேர்ந்தார் என்று ஒரு பழைய புகாரை வைத்து இந்த இடைநீக்கம் செய்யப்பட்டிருக்கலாம் என்றும் தோன்றுகிறது. ஆனால் கிட்டத்தட்ட இருபது ஆண்டுகளுக்கு பின்னர் இந்த புகாரை தூசிதட்டி எடுக்க வேண்டிய அவசியம் என்ன? இந்த காலதாமதமே இது பொய் என்பதை தெளிவாகக் கூறுகிறது.
இரண்டு கழகங்களின் ஆட்சியிலும் நடந்த ஊழல் முறைகேடுகளை அவர் தடுக்க நினைத்ததால்இப்போது அவரே பொய்யான ஊழல் புகாருக்கு ஆளாகிவிட்டார். அதிகார வர்க்கமும், ஊடகங்களும் அவரைக் கொண்டு கொள்ளவில்லை.

balakarthik · balakarthik Sat 31 Jul 2010 - 23:00

அட அரசியலுல இதெல்லாம் சகஜமப்பா

ரபீக் · ரபீக் Sun 1 Aug 2010 - 14:34

balakarthik wrote:அட அரசியலுல இதெல்லாம் சகஜமப்பா

அப்போ இந்த நாட்டுல நல்ல அதிகாரிங்க இருக்க கூடாதுன்னு நினைக்கிறேன்

உதயசுதா · உதயசுதா Sun 1 Aug 2010 - 14:44

இந்தியாவுல, அதுவும் தமிழ் நாட்டுக்கு பதவி ஏற்று வர்ற
ஐ.பி.எஸ்,ஐ.எ.எஸ் அதிகார்கள் உண்மையிலுமே பெரும்பாவம் செய்தவர்கள்.ஒரு கழக ஆட்சி போனா அடுத்த கழக ஆட்சி வந்து இவர்களை பாடாய் படுத்துகின்றன.
என்னைக்கு இவர்கள் யாருக்கும் அடிபணியாமல் முடிவுகளை எடுக்க முடிகிறதோ அப்போதுதான் இவர்களுக்கு
விமோசனம்.