தமிழினத்தின் மற்றொரு துரோகி- டாக்டர். ஜோய் மகேஸ்வரன்

நிசாந்தன் · நிசாந்தன் Sun 1 Aug 2010 - 18:11

2002 முதல் 2005 வரை இலங்கை அரசாங்கத்துடன் விடுதலைப் புலிகள் மேற்கொண்ட பேச்சுவார்த்தையில் புலிகள் சார்பாக முக்கிய அங்கத்துவராக இருந்த ஜோய் மகேஸ்வரன், விடுதலைப் புலிகள் அப்பேச்சுக்களில் இருந்து விலகிக் கொண்டமை அவர்களின் மிகப்பெரிய தவறு எனத் தெரிவித்துள்ளார். இதனாலேயே விடுதலைப் புலிகள் தமக்குத் தாமே அழிவைத் தேடியதாகக் கூறியுள்ளார். தற்போது அவுஸ்திரேலியா, மெல்போர்னில் வசித்துவருகிறார் ஜோய் மகேஸ்வரன். மேலும், இலங்கைப் பிரச்சனைக்கு நிரந்தரமான ஒரு தீர்வை எட்டுவதில் நேர்மையாக இவர்கள் ஈடுபடவில்லை என்றும், நம்பகரமான விதத்தில் நடந்துகொள்ளவில்லை என்றும்கூட ஜோய் மகேஸ்வரன் புலிகளைப் பற்றி விமர்சித்துள்ளார். மேலும் அவர், விடுதலைப் புலிகள் முற்றுமுழுதாக தோற்கடிக்கப்பட்டு விட்டனராம் என்றும் மீண்டும் புலிகள் ஒன்றுகூடுவதற்கு வழியே இல்லையாம் என்றும் தெரிவித்துள்ளார்.

தமிழர்களின் உரிமையை வெல்வதற்கும், இலங்கையில் அமைதியை உருவாக்குவதற்கும் இருந்த சந்தர்ப்பத்தை விடுதலைப்புலிகள் தமது நலனுக்காகக் கெடுத்துவிட்டதாகக் கூறும் அவர், தற்போது அரசாங்கம் பலமான நிலையில் இருப்பதால் தமது உரிமைகளைப் பெறுவதற்கு தமிழர்கள் அரசாங்கத்துடன் பேசவேண்டும் எனக் கூறியுள்ளார். வடக்குக் கிழக்கில் அரசாங்கம் மேற்கொள்ளும் புனர்வாழ்வு நடவடிக்கைகளுக்கு புலம்பெயர் தமிழர்கள் ஆதரவளிக்க வேண்டும் என்றும் ஜோய் மகேஸ்வரன் அழைப்பு விடுத்துள்ளார்.

விடுதலைப் புலிகளோடு பேச்சுவார்த்தையில் இருந்து விலகியது இலங்கை அரசே. அத்தோடு தன்னிச்சையாக போர் நிறுத்த ஒப்பந்தத்தையும் ரத்துச்செய்து வலிந்த போரையும் ஆரம்பித்தது இலங்கை அரசே. இதனை சற்றும் எண்ணிப்பாராமல், மகேஸ்வரன் புலிகள் மீது குறைகூறுவது கண்டிக்கத்தக்கது. புலிகளை விமர்சிக்க மகேஸ்வரனுக்கு அறுகதை இல்லை என்பதை யாவரும் அறிவர். புலிகள் சார்பாக பேச்சுவார்த்தையில் கலந்துகொண்டுட மகேஸ்வரன், மாற்றுக் கருத்துக்களை உள்ளேவைத்துக்கொண்டே, சமாதானப் பேச்சில் ஈடுபட்டுள்ளமை அவரின் நம்பிக்கைத்துரோகத்தையே எமக்கு எடுத்துக்காட்டுகிறது.

தமிழினத்தின் மற்றொரு துரோகி- டாக்டர். ஜோய் மகேஸ்வரன்

தமிழினத்தின் மற்றொரு துரோகி- டாக்டர். ஜோய் மகேஸ்வரன்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக