குடிபோதையில் பள்ளியில் புகுந்து 1-ம் வகுப்பு மாணவனை குத்தி கொன்ற வாலிபர்

ரபீக் · ரபீக் Sun Aug 01, 2010 2:13 am

சத்தீஸ்கார் மாநிலம் சுர்குஜா மாவட்டத்தில் உள்ள பங்கா குர்த் என்ற ஊரை சேர்ந்தவர் சுமன் ராம் (வயது 35).

குடிபோதையில் இருந்த அவர் அங்குள்ள அரசு தொடக்க பள்ளி கூடத்துக்குள் புகுந்தார்.

பள்ளி மைதானத்துக்குள் தள்ளாடியபடி நடந்து சென்று கொண்டிருந்தார். அங்கு ஏராளமான மாணவர்கள் ஓடிவிளையாடி கொண்டிருந்தனர்.

சுமன்ராம் திடீரென கத்தியை எடுத்து மாணவர்களை மிரட்டினார். உடனே மாணவர்கள் பீதி அடைந்து ஓடினார்கள். 1-ம் வகுப்பு படிக்கும் ரோகர் (5) என்ற மாணவனால் ஓட முடிய வில்லை.

அவனை விரட்டி பிடித்து சுமன்ராம் கழுத்து மற்றும் உடலில் சரமாரியாக கத்தியால் குத்தினார். இதில் ரோகர் அந்த இடத்திலேயே ரத்த வெள்ளத்தில் உயிர் இழந்தான்.

உடனே சுமன்ராம் அங்கிருந்து தப்பி ஓட முயற்சித்தார். அவனை ஆசிரியர்களும், பொதுமக்களும் மடக்கி பிடித்தனர்.

கொலை செய்யப்பட்ட ரோகர் பெற்றோருக்கு ஒரே மகன் ஆவான்.