Latest topics

கட்டண சலுகை வழங்காத பொறியியல் கல்லூரிகள் மீது நடவடிக்கை

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

கட்டண சலுகை வழங்காத பொறியியல் கல்லூரிகள் மீது நடவடிக்கை

Post by நிசாந்தன் Sun Aug 01, 2010 9:47 am

இந்த ஆண்டிலிருந்து மருத்துவம், பொறியியல், விவசாயம், கால்நடை மருத்துவம் ஆகிய தொழிற்கல்வி பட்டப் படிப்புகளில் சேரும் முதல் தலைமுறை மாணவர்களுக்கு, அரசே கல்லூரி கட்டணத்தை செலுத்தும் என தமிழக அரசு அறிவித்தது. சம்பந்தப்பட்ட கல்லூரிகள் கட்டணத்தை அரசிடமிருந்தே பெற்றுக் கொள்ளலாமென அறிவித்தது.

இந்நிலையில், அண்ணா பல்கலைக்கழகத்தின் பொது கவுன்சிலிங் மூலமாக தெரிவு செய்யப்பட்ட மாணவர்க்ளிடம் பல தனியார் பொறியியல் கல்லூரிகள் கட்டணத்தை செலுத்துமாறு கட்டாயப்படுத்துவதாக புகார்கள் பரவலாக எழுந்தது.

இதனையடுத்து, கட்டண சலுகை வழங்காத தனியார் கல்லூரிகள் மீது கடும் நடவடிக்கை எடுக்கப்படும் என, தொழில்நுட்ப கல்வி இயக்குநர் குமார் ஜெயந்த் எச்சரிக்கை விடுத்துள்ளார், அவர் வெளியிட்டுள்ள அறிக்கையில், “கவுன்சிலிங் மூலம் அரசு ஒதுக்கீட்டின் கீழ் சேரும் முதல் தலைமுறை மாணவர்களுக்கு கட்டண சலுகை அளித்து உயர்கல்வித் துறை ஆணை பிறப்பித்துள்ளது. அதன்படி முதல் ஆண்டு மற்றும் நேரடியாக இரண்டாம் ஆண்டு பி.இ., பி.டெக். படிப்பில் சேரும் முதல் தலைமுறை பட்டதாரி மாணவர்களுக்கு கல்விகட்டணத்தில் ரூ.20,000 விலக்கு அளிக்கப்பட்டுள்ளது. கல்விக் கட்டணச் சலுகை வழங்காத கல்லூரிகள் மீது நடவடிக்கை எடுக்கப்படும்”. இவ்வாறு அதில் கூறப்பட்டுள்ளது

நிசாந்தன்: இளையநிலா; பதிவுகள் : 957
இணைந்தது : 24/07/2010