துபாயில் தமிழர்களின் கலை விழா

ரபீக் · ரபீக் Sun Oct 17, 2010 10:03 am

ஐக்கிய அமீரக நாட்டின் முக்கிய நகரமான துபாய், உலகின் மிக முக்கிய வர்த்தக நகரங்களில் ஒன்று. இங்கு 17 இலட்சம் இந்தியர்கள் பணிபுரிந்து வாழ்ந்து வருகிறார்கள். அவர்களுள் பெரும்பான்மையோர் தமிழர்கள். இங்கு பணிபுரிந்து வாழும் தமிழர்கள் மத்தியில் தமிழ் இலக்கியம், பண்பாடு, கலாச்சாரம் ஆகியவை மேம்பட துபாய் முத்தமிழ்ச்சங்கம் இயங்கி வருகிறது. இந்த சங்கத்தில் சார்பாக நேற்று (16.10.2010) கலை விழா நடைபெற்றது.

துபாய் முத்தமிழ் மன்றத்துடன் இங்குள்ள தமிழர்களின் நிறுவனமான அபுதாபி-அலய்ன் மற்றும் ட்ரீம்லேண்ட் டெவலப்பர் இணைந்து இந்த கலை விழாவினை தமிழர்கள் அதிகம் வசிக்கும் பகுதிகளில் ஒன்றான 'கராமா' என்னும் பகுதியில் 'துபாய் ஜெம் தனியார் பள்ளி'யில் நடத்தினர்.

தமிழர்கள் பலர் தங்கள் குடும்பசகிதம் இக்கலைவிழாவில் கலந்து சிறப்பித்தனர். அவ்வாறே தொழிலாளர் முகாம்களில் இருந்து பலரும் ஆர்வமுடன் வந்து இந்நிகழ்வில் பங்குபற்றினர். ராஜாராம் வழங்கிய பலகுரல் நிகழ்ச்சியும், ஜனனி விக்ரம், ஷப்னா ஷா வழங்கிய இன்னிசை நிகழ்ச்சியும், பத்மபிரியாவின் நடன நிகழ்ச்சியும் பார்வையாளர்களை வெகுவாகக் கவர்ந்தது. மேலும் நிகழ்ச்சிக்கு நடுவில் அனு அசோக் அவர்களின் கவிதையும் பலரை கவர்ந்தது. இந்நிகழ்ச்சியில் தமிழ் பட இயக்குனர் பி. வாசு சிறப்பு விருந்தினராக கலந்து கொண்டார்.

துபாய் முத்தமிழ் மன்றம் பல வருடங்களாக இங்கு சிறப்பாக செயல்பட்டு வருவது குறிப்பிடத்தக்கது.

இந்நேரம்

மஞ்சுபாஷிணி · மஞ்சுபாஷிணி Sun Oct 17, 2010 10:16 am

சந்தோஷமான விஷயம்...

இங்கும் தமிழ்ச்சங்கம் தமிழோசை என்பது போல் சங்கங்கள் உண்டு...

அன்பு நன்றிகள் ரஃபீக் செய்தி பகிர்வுக்கு..

துபாயில் தமிழர்களின் கலை விழா

துபாயில் தமிழர்களின் கலை விழா

Re: துபாயில் தமிழர்களின் கலை விழா

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக