அண்ணன் சிங்கப்பூர் போயிட்டாரே... அதிர வைக்கும் விமல் ஸ்டைல்!

ரபீக் · ரபீக் Sat Jul 31, 2010 2:18 pm

கமலுக்கும் விமலுக்கும் ஒரு எழுத்துதானே வித்தியாசம்னு சொல்லியிருப்பாங்களோ என்னவோ? இப்பல்லாம் விமலோட அப்ரோச், வில்லங்கமாகவே இருக்கிறது என்கிறார்கள் கோடம்பாக்கத்தில். சமீபத்தில் ஒரு நிருபர் விமலுக்கு போன் அடித்தார். யாரோ வெயிட்டாக அட்வான்சோடு அழைப்பார்கள் என்று நினைத்தாரோ என்னவோ, நிருபர் என்றதும் சப்பென்று ஆகிவிட்டார். 'சார்... நானு ஒரு மீட்டிங்ல இருக்கேன். இரண்டு நிமிஷத்துல கூப்பிடவா' என்றாராம்.

இரண்டு நிமிஷம் இருபது நிமிஷம் ஆனது. மறுபடியும் ஒரு ரிங் கொடுப்போம் என்று நினைத்த நிருபர் மீண்டும் போன் அடித்தார். இப்போது எதிர்முனையில் போனை எடுத்தது வேறொரு நபர். சார் சொல்லுங்க என்றார். இன்ன பத்திரிகையிலேர்ந்து பேசுறேன். விமல்ட்ட பேசணும்.
-இது நிருபர். அப்டீங்களா... அண்ணன் சிங்கப்பூர் போயிட்டாரே என்று பதில் வந்ததாம். வரப்புயர நெல் உயரும். வசதி உயர லொள்ளு உயரும் போலிருக்கிறது.

இந்த லட்சணத்தில் இன்னொரு நியூஸ் வெளியாகியிருக்கிறது இன்று. கலிங்கத்து பரணி என்ற படத்தில் நடிக்க கமிட் ஆன விமல் களவாணி ஹிட் என்றதும் அப்படத்திலிருந்தே விலகிவிட்டாராம். காரணம் இப்படத்தில் நடிக்க பேசிய சம்பளம் வெறும் ஆறு லட்சம் மட்டும்தானாம். வேறு படத்தில் நடித்தால் 60 கூட வாங்கலாமே என்பது அவரது கணக்கு. பிரச்சனை தயாரிப்பாளர் சங்கத்திற்கு போயிருக்கிறது. வேணும்னா வாங்கிய அட்வான்ஸ் 50 ஆயிரத்தை திருப்பி தர்றேன் என்கிறாராம் விமல்.

பொருத்தமாதான் பேரு வச்சிருக்காங்க கலிங்கத்து பரணின்னு!