உலக மக்கள் தொகை 940 கோடியாக உயரும்! ஆய்வறிக்கை

ரபீக் · ரபீக் Sat Jul 31, 2010 1:54 pm

வரும் 2050-ம் ஆண்டில் உலக மக்கள்தொகை 940 கோடியாக உயரும் அப்போது இந்தியாவின் மக்கள்தொகை 170 கோடியாக உயர்ந்திருக்கும் என அமெரிக்க மக்கள்தொகை ஆய்வு அமைப்பு தெரிவித்துள்ளது.

தற்போது உலக மக்கள்தொகை 680 கோடியாக உள்ளது. இது 2025-ம் ஆண்டுவாக்கில் 800 கோடியாக அதிகரிக்கும் உலக மக்கள்தொகையில் 130 கோடியுடன் முதலிடத்தை சீனா வகிக்கிறது. 2-வது இடத்தில் இந்தியா உள்ளது. இந்தியாவின் மக்கள்தொகை 120 கோடியாகும்.

இதே விகிதத்தில் மக்கள்தொகை வளர்ச்சி இருக்குமானால் 2050-ல் உலக மக்கள்தொகை 940 கோடியாக அதிகரிக்கும். இதில் ஆசியக் கண்டத்தில் மட்டும் மக்கள்தொகை 550 கோடியாக இருக்கும். இந்திய, சீன நாடுகளின் மக்கள்தொகை பெருக்கத்தைப் பொருத்து இந்த எண்ணிக்கை மாறுபடலாம்.

2050-ல் ஆப்பிரிக்கக் கண்டத்தில் மக்கள்தொகை 210 கோடியாகவும் அமெரிக்காவிலும் மக்கள்தொகை 45.8 கோடியாகவும் அதிகரிக்க வாய்ப்புள்ளது. இருப்பினும், ஐரோப்பிய நாடுகள் மற்றும் ரஷியாவில் மக்கள்தொகை 2050-ல் குறையக் கூடும் என அந்த அமைப்பின் ஆய்வறிக்கை தெரிவித்துள்ளது.