360 சட்ட புறம்பான திருமணங்களை நடத்தியதாக பாதிரியார் மீது குற்றச்சாட்டு

ரபீக் · ரபீக் Sat Jul 31, 2010 11:14 am

இதுவரை கண்டிராத அளவிற்கு இங்கிலாந்து தேவாலயம் ஒன்றில் 360 மோசடி திருமணங்களை பாதிரியார் ஒருவர் நடத்தி வைத்துள்ளார். கிழக்கு சுஸ்செக்சில் உள்ள செயின்ட் லானர்ட்ஸ் எனப்படும் கடற்கரையோர கிராமத்தில் உள்ள தேவாலயம் ஒன்றிலேயே இந்த திருமணங்கள் நடந்துள்ளன.
யாரென்றே தெரியாத சட்டத்திற்கு புறம்பாக பிரித்தானியாவில் குடியேறிய 360 ஆப்ரிக்கர்களுக்கு அலெக்ஸ் பிரவுன் என்ற பாதிரியார் திருமணம் முடித்து வைத்துள்ளதாக குற்றம் சாட்டப்பட்டுள்ளது. 2005 முதல் 2009 வரையிலான கால கட்டங்களில் ஒரு நாளில் சுமார் 8 திருமணங்கள் வீதம் இந்த மோசடி திருமணங்கள் அனைத்தும் நடந்தேறியுள்ளன.

இந்த திருமண சான்றிதழ்களை வைத்து பிரித்தானியாவில் நிரந்தரமாக தங்கும் விசாக்களை உள்துறை அலுவலகம் மூலம் பெற்றிருப்பதுடன் அரசின் நன்மைகள், கல்வி, சுகாதாரத் திட்டங்கள் அனைத்தையும் இவர்கள் அனுபவித்து வருகின்றனர். இந்த மோசடி திருமணங்களுக்காக அந்த தம்பதியினரிடமிருந்து பாதிரியார் அதிகப்படியான தொகையையும் பெற்று வந்துள்ளார் எனபதும் நிருபணமாகியுள்ளது.