கீதையில் மருத்துவம்

கீதையில் கிருஷணர் - "அர்ச்சுனா, விஞ்ஞானத்துடன் கூடிய ஞானத்தை கேட்டு நலம் பெறுவாய" என்று தொடங்கி, பல மருத்துவச் செய்திகளையும் அர்ச்சுனனுக்கு சொல்கிறார்.

அர்ச்சுனனுக்கு மட்டுமில்லை நமக்கும் தேவையான குறிப்புகள் இது...

"நிலம், நீர், நெருப்பு, காற்று, வானம், மனம், புத்தி, நான் என்ற எண்ணம் ஆகிய எட்டு விதமாக இயற்கை பிரிந்து உள்ளது. இதைவிட உயர்ந்த உயிர் உள்ளது. இந்த இரண்டையும் இணைத்து உயிரையும், உடலையும் உடைய ஜீவ ராசிகளை படைத்து இயக்குகின்றேன். அந்த உயிரானது இயற்கையில் உள்ள கண், காது, மூக்கு, வாய், மெய் ஆகிய ஐம்புலன்களை ஏற்படுத்திக் கொண்டு பார்த்தல், கேட்டல், நுகர்தல், சுவைத்தல், உணர்தல் ஆகியவற்றை மனதின் துணையுடன் அனுபவித்துக் கொண்டு உடல் என்னும் 9 வாசல் கொண்ட நகரத்தில் வசிக்கின்றத"

"பாய் மரக் கப்பலை காற்று பல திசையும் அடித்து சென்று உடைத்து சித றடிப்பது போல், மனதை மயங்க வைக்கும் ஐம்புலன்களும் மனதைபலவந்த மாக பல விஷயங்களுக்காக, இழுத்துச் சென்று மனிதனை சீர்குலைக்கின்றது. ஆகவே கண், காது, மூக்கு, வாய், மெய் ஆகியவற்றை கட்டுப்படுத்தி நலமுடை யதாக வைத்துக் கொண்டால் மனம் மேன்மையடையும். மனம் மேன்மையுற்றால் நல்லது, கெட்டது எவை என பாகுபடுத்தி, தீமை தரக்கூடியவற்றை தவிர்த்து நலம் தரக் கூடியவற்றை செய்து சிறப்பு அடையலாம"

"உடலை காப்பாற்ற அளவோடு உண்டு, அளவாக தூங்கி, அளவோடு விழித்து, அளவோடு கடமையை செய்பவன் யோக நலன் பெறுவான். அளவு டன் உண்பதால் குடல் எளிமையாக சீரணிக்கும். காலத்தோடு பசியும் ஏற்படும். உடலால் கடமையை செய்வதால் உடலில் சத்துக்கள் அதிகம் சேமிக்கப் படாது. உடனே செல வழிக்கப்பட்டு சக்தி தோன்றி உடல் சுறுசுறுப்பாய் இயங்கும், எடையும் அதிகரிக்காது. ஒரே சீராக இருக்கும்.

அளவான உறக்கத்தினால் உடல் தானாகவே மூச்சை இழுத்து விடும். அதனால் உறுப்புகள் அனைத்தும் உயிர்சக்தியான பிராணவாயுவை பெறும். மேலும் இதய படபடப்பை தூண்டும் சுரப்பிகள் குறைவாக சுரப்பதால் இதயத்தின் வேகம் தணிந்து இரத்த ஓட்டம் சீர்பெறும். ஆகையால் உடலும், மனமும் உறக்கத்தால் நலம் பெறும்.

அதிகம் சாப்பிடுபவன், சாப்பிடாமல் இருப்பவன், அதிகம் தூங்குபவன், தூங்காமலே இருப்பவன் யோகம் பெற முடியாது.

சமைத்து நாழியான, பழைய உணவில் நச்சுத்தன்மை தோன்றி உணவை கெடுத்து விஷமுள்ளதாக மாற்றி கெட்ட நாற்றமுடையதாக செய்யும். இப்படி ப்பட்ட உணவை சாப்பிட்டால் வாந்தி, மயக்கம், சீரணமின்மை வயிற்றுப் போக்கு போன்றவை ஏற்படும்.

உணவு முறையால் உடலின் மென்மையான உறுப்புகள் பாதிக்கப்பட்டு குடல் புண், வயிற்று வலி, மூல நோய், உயர் இரத்த அழுத்தம், சீறுநீரக கல், சிறுநீரக நோய், உடல் வீக்கம் கல்லீரல் கெடுதல், கணையம் கெடுதல், சர்க்கரை நோய், இதய நோய், நரம்பு தளர்ச்சி, மனநோய் போன்றவற்றை ஏற்படுத்தும்.

சத்துள்ள, சாரமிக்க, பசையுள்ள, ரசமுடைய இதயம் எளிதாக இயங்கக் கூடிய விதத்தில் உள்ள உணவு வகைகளை சாப்பிடுபவர் நோயின்றி நீண்ட ஆயுளுடன் வாழ்வார். உடல் வலிமை மனவலிமை இவைகளுடன் இருப்பார். சுகத்தை பெறுவார், அறியும் சக்தியை பெற்று காலத்தோடு செய்ய வேண்டிய வைகளை செய்து வாழ்வில் சிறப்பும் மேன்மையும் அடைவார்.

உடலை அகத்தூய்மையாகவும் புறத்தூய்மையாகவும், மௌனமாகவும் வைத்திருத்தலே தபசு ஆகும். உணவையே மருந்தாகக் கொள்வதே சிறந்த மருத்துவமாகும். நான் மருந்தாக ராஜயோகத்தை சொல்கிறேன் கேள். இது நலம் தரக்கூடியது. செய்வதற்கு மிக எளியது. கண்கூடாக காணக்கூடியது. சிறிது கடைப்பிடிப்பினும் பெரும் துன்பத்திலிருந்து காப்பாற்றக்கூடியது. யார் எனக்கு இலை, மலர், கனி, நீர் இவைகளை தினமும் தருகின்றானோ அவைகளையே அவரவர் வயிற்றில் நான் இருந்து சீரணித்து காப்பாற்றுகின்றேன். இங்கு சொல்லப் பட்டிருப்பது கீதையில் வரும் மருத்துவ குறிப்புகளில் சிறு துளிதான், மொத்த சமுத்திரத்தையும் பருக கீதையை படியுங்கள். பயன் பெருங்கள்.