கண்ணாய்க் காப்பேன்.

by **V.Annasamy** Fri Jul 30, 2010 12:38 pm

முகத்தில் இருக்கும் இரு கண்.
பகைய றுக்கும் நட்புக் கண்.
நகைக்கும் போழ்து - ஆனந்தக் கண்.
புகுந்த சினத்தில் - செங் கண்.

ஈரம் நிறைந்த கருணைக் கண்.
தூரமதை கிட்டக் கொணர் கண்.
சாரமான சுவையில், ஒரக் கண்.
யார்க்கும் அஞ்சா நெஞ்சுடைக் கண்

அறுவருப்பில் சுருங்கும் சிறு கண்
சுறுசுறுப்பாய் இயக்கும் சூக்ஷ்மக் கண்
குருகுருவென பார்க்கும் கூர் கண்.
தூறும் தூசியில் கலங்கும் கண்.

வியக்கும் பொருளான அற்புதக் கண்
மயக்கும் காதலில் திளைக்கும் கண்.
துயரத்தில் சிந்தும் நீருடைக் கண்.
அயர்ந்தால் சற்றே தூங்கும் கண்.

அலறும் பயத்தில் அபாயக் கண்.
பலரசம் காட்டும் நடனக் கண்.
காலம் தவறாது ஒளிரும் கண்.
நலமாய் இசைய வைக்கும் கண்.

பெருமை பலகொள் பேரின்பக் கண்களே.
சீரும் சிறப்போடுமை கண்கா ணிப்பேன்.
வருவோரும் வைத்தாரோ உன்மேல் கண்.
புருவமாய், இமையாய் இருப்பேன் உன்னோடு.