104 வயதான பாட்டியின் நெஞ்சம் உருக்கிய டிவிட்டர் செய்தி

by ரபீக் Thu Jul 29, 2010 11:11 pm

சமூகவலைதளங்களில் தனி இடத்துடன் வலம் வந்து கொண்டிருக்கும் டிவிட்டரின் மிகப் பழமையான பயனாளர் தான் ஐவி பீன் இங்கிலாந்தில் பிரெட்போர்ட் பகுதியில் வசிக்கும் 104 வயதான பாட்டியின் கடைசி டிவிட்டர் செய்தி நம் நெஞ்சத்தை உருக்கும் வகையில் இருக்கிறது.
தினமும் தனது அன்றாட வேலைகளை டிவிட்டரில் பதிவதும் தான் செல்லவிருக்கும் நிகழ்ச்சி என அத்தனையும் டிவிட்டரில் பகிர்ந்து கொள்வது இந்த பாட்டியின் சிறப்பு.102 வயதில் தான் இந்த பாட்டி டிவிட்டரில் இணைந்திருக்கிறார் 58,986 பேர்கள் நேற்று வரை இவரை பின் தொடர்ந்துள்ளனர், இதுவரை 1349 செய்திகளை டிவிட்டரில் பகிர்ந்துள்ளார். கடந்த சில நாட்களாகவே எனக்கு உடல் நிலை சரியில்லை என்ற செய்தி வந்து கொண்டிருந்தது.

நேற்று இரவு சரியாக 8 மணி நேரத்திற்கு முன்பு அவர் அனுப்பிய செய்தியில் “ இன்று காலை 12.08 மணிக்கு நான் அமைதியாக இந்த உலகத்தில் இருந்து விடை பெறுகிறேன் ” இதுவரை என்னை பின் தொடர்ந்த அத்தனை அன்பான நண்பர்களிடம் இருந்து விடை பெறுகிறேன்.

இந்த செய்தியை கேட்ட அவரது அத்தனை நண்பர்களும் ஐவீ பீன்- க்காக தங்களது டிவிட்டரில் அஞ்சலியை செலுத்தி வருகின்றனர். சமூக வலைதளங்களில் அத்தனை முக்கியமான செய்திகளையும் பகிர்ந்து கொள்ளலாம் என்பதற்கு இந்த பாட்டி ஒரு முன் உதாரணம்.