வேலூர் ஜெயிலில் சந்திப்பு: டைரக்டர் சீமான் மீதான தேசிய பாதுகாப்பு சட்டத்தை ரத்து செய்ய வேண்டும்; சசிகலா கணவர் நடராஜன் பேட்டி

ரபீக் · ரபீக் Thu 29 Jul 2010 - 18:47

சென்னையில் நடந்த தமிழக மீனவர் படுகொலை கண்டன கூட்டத்தில் இந்திய இறையாண்மைக்கு எதிராக பேசியதாக டைரக்டர் சீமான் தேசிய பாதுகாப்பு சட்டத்தின் கீழ் கைது செய்யப்பட்டு வேலூர் மத்திய ஜெயிலில் அடைக்கப்பட்டுள்ளார்.

அவரை பெரியார் திராவிட கழக தலைவர் கொளத்தூர் மணி, சசிகல கணவர் நடராஜன் ஆகியோர் இன்று காலை வேலூர் ஜெயிலில் சந்தித்து பேசினார்.

பின்னர் நடராஜன் நிருபர்களுக்கு பேட்டியளித்தார். அப்போது அவர் கூறியதாவது:-

சீமான் தனிமை சிறையில் அடைக்கப்பட்டு உள்ளார். அவரை வாக்கிங் செல்ல அனுமதிக்கவில்லை. அவர் மனதிடத்துடன் உள்ளார்.

அவர் எந்த வித தேச விரோத செயலிலும் ஈடுபடவில்லை. நமது நாட்டில் கருத்து சுதந்திரம் பேச்சு சுதந்திரம் உள்ளது.

வேகமாக பேசும்போது சில வார்த்தைகள் வரலாம். அதற்காக தேசிய பாதுகாப்பு சட்டத்தின் கீழ் கைது செய்ய எந்த முகாந்திரமும் இல்லை.

எனவே சீமான் மீது போடப்பட்ட தேசிய பாதுகாப்பு சட்டத்தை ரத்து செய்ய வேண்டும். என் மீதான வழக்கு அரசியல் காழ்புணர்வு காரணமாக போடப்பட்டுள்ளது. அதை நான் சட்டப்படி சந்திப்பேன்.

இவ்வாறு அவர் கூறினார்.

கொளத்தூர் மணி நிருபர்களிடம் கூறுகையில் சீமான் கைது கருத்து சுதந்திரத்துக்கு எதிரானது. அவர் மீதான நடவடிக்கையை தமிழக அரசு மறுபரிசீலனை செய்ய வேண்டும் என்றார்.

gunashan · gunashan Thu 29 Jul 2010 - 18:57

தமிழ் வீரன் சீமானே... கவலை வேண்டாம்...
உங்கள் போராட்டம் தமிழினத்துக்காக.......
இந்தியம் உங்களை உரசிப் பார்த்தாலும்....
நீங்கள் கறையப் போவதில்லை.......
நெஞ்சுரம் திடமாய் இருக்க, உங்களைச் சுற்றி
நாங்கள் இருக்க கவலை வேண்டாம்.......
தமிழினத்துக்காக போராடும் அனைவருக்கும் இன்னிலைதான்..
கலக்கம் வேண்டாம்... வெற்றி மீது வெற்றி வந்து உன்னைச் சேரும்.......
தர்மம் ஒரு நாள் ஜெயிக்கும்...

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக