தனது நிறையை விட இரு மடங்கு நிறையை தூக்கி

ரபீக் · ரபீக் Thu Jul 29, 2010 5:10 pm

தனது நிறையை விட இரு மடங்கிலும் அதிகமான நிறையைத் தூக்கி உலகின் மிகவும் பலசாலிச் சிறுவன் என்ற சாதனையை கைல் கேன் என்ற 12 வயது பிரித்தானிய சிறுவன் நிலைநாட்டியுள்ளான்.
5 அடி, 7 அங்குல உயரம் 147 இறாத்தல் நிறையுடைய கைல் கேன் என்ற இந்த சிறுவன், தனது வயதையொத்த ஏனைய சிறுவர்களுடன் ஒப்பிடுகையில் கூடிய உயரத்தையும் அளவையும் கொண்டுள்ளான்.

இந்த சிறுவன் 308 இறாத்தல் (140 கிலோகிராம்) நிறையுடைய பாரத்தைத் தூக்கி புதிய உலக சாதனை படைத்துள்ளான்.

இந்த சிறுவன் 4 வயதாக இருக்கும் போது குத்துச் சண்டை கற்பதற்கு ஆரம்பித்து 9 ஆவது வயதில் கறுப்பு பட்டியொன்றை வென்றெடுத்தான்.

அதன்பின் உதைபந்தாட்டம் விளையாடுவதில் மும்முரமாக ஈடுபட்ட இந்த சிறுவன், தனது 10 ஆவது வயது முதற்கொண்டு பாரந் தூக்கும் பயிற்சியில் ஈடுபட்டு வருகிறான்.

ஒலிம்பிக் விளையாட்டில் பாரந் தூக்கும் போட்டியில் பிரித்தானியாவுக்காக தங்கப் பதக்கமொன்றை வெல்வதே தனது இலட்சியம் என கைல் கேன் கூறினான்.