நளினி, முருகன், அறிவு, சாந்தன் ஆகியோரை விடுவிக்கும் மனு தள்ளுபடி

நிசாந்தன் · நிசாந்தன் Thu Jul 29, 2010 10:04 am

ராசீவ் காந்தி கொலையில் தொடர்புள்ள நளினி, முருகன், சாந்தன், அறிவு ஆகியோரை விடுவிக்க வேண்டும் என ஜெயின் கமிசன் அறிக்கையை மேற்கோள் காட்டி, காங்கிரசு ஊழியரான இ.வேலுச்சாமி என்பவர் உச்ச நீதிமன்றத்தில் மனு தாக்கல் செய்திருந்தார்.
ராசீவ் கொலை வழக்கை விசாரிக்க ஜெயின் கமிசன் அமைக்கப்பட்டது. இதன் அறிக்கை 1988 மார்ச் 7ல் சமர்ப்பிக்கப்பட்டது. இந்த சம்பவத்தில் சந்திரா சுவாமி, வெளிநாட்டு உளவு அமைப்புகளான சி.ஐ.ஏ, மொசாட் ஆகியவற்றிற்கும், குற்றம்சாட்டப் பட்ட 21 பேரின் பங்கு குறித்தும் விசாரணை நடத்த வேண்டும் என அறிக்கையில் குறிப்பிட்டுள்ளதை மேற்கோள்காட்டி மனுதாரரின் சார்பில் வாதாடிய வழக்குறைஞர் திரு.கே.கருப்பன் குறிப்பிட்டார்.
இது தொடர்பாக மத்திய புலனாய்வு அமைப்பால் 1988 டிசம்பர் 2ல் அமைக்கப்பட்ட சிறப்புக் குழு தனது விசாரணையை தொடங்கியது. ஆனால், இந்தத் தகவல்களை சிறப்பு நீதிமன்றத்துக்கும், உச்ச நீதிமன்றத்துக்கும் சிபிஐ தெரிவிக்காதலால் 4 பேருக்கும் தண்டனை விதிக்கப்பட்டது எனவும், எனவே அவர்களை விடுவித்து உத்தரவிட வேண்டும் எனவும் கருப்பன் வாதிட்டார்.
ஆனால் இந்த வாதத்தை ஏற்காத உச்ச நீதிமன்ற நீதிபதிகள் வி.எஸ்.சிர்புர்கர், முகுந்தகம் சர்மா ஆகியோர் அடங்கிய பெஞ்ச், அவரது மனுவை திரும்பப் பெற்றுக் கொள்ள அனுமதி அளித்தது.
சென்னை உயர் நீதிமன்றத்தில் இதே கோரிக்கையை வலியுறுத்தி மனு தாக்கல் செய்யப்பட்ட போது, மனுவை தள்ளுபடி செய்ததுடன், வேலுச்சாமிக்கு ரூ.1 லட்சம் அபராதம் விதிக்கப்பட்டது. இந்த உத்தரவில் தலையிட முடியாது என உச்ச நீதிமன்றம் தெரிவித்துவிட்டது.

kalaimoon70 · kalaimoon70 Thu Jul 29, 2010 10:42 am

உதயசுதா · உதயசுதா Thu Jul 29, 2010 10:54 am

ஏம்ப்பா ராஜீவ் காந்தி செத்தது 1991 ல் தானே.
அது பத்தி விசாரிக்கற சிறப்பு கமிசன் 1988 ல யா அநியாயம்

செந்தில் · செந்தில் Thu Jul 29, 2010 11:45 am

உதயசுதா wrote:ஏம்ப்பா ராஜீவ் காந்தி செத்தது 1991 ல் தானே.
அது பத்தி விசாரிக்கற சிறப்பு கமிசன் 1988 ல யா

ஹா...ஹா...ஹா அப்ப ராஜீவ் காந்தி சாகுறது இவுங்களுக்கு மூனு வருசத்துக்கு முன்னாடியே தெரியும் போல அக்கா......... நளினி, முருகன், அறிவு, சாந்தன் ஆகியோரை விடுவிக்கும் மனு தள்ளுபடி Icon_lol

Sponsored content · Sponsored content

நளினி, முருகன், அறிவு, சாந்தன் ஆகியோரை விடுவிக்கும் மனு தள்ளுபடி

நளினி, முருகன், அறிவு, சாந்தன் ஆகியோரை விடுவிக்கும் மனு தள்ளுபடி

Re: நளினி, முருகன், அறிவு, சாந்தன் ஆகியோரை விடுவிக்கும் மனு தள்ளுபடி

Re: நளினி, முருகன், அறிவு, சாந்தன் ஆகியோரை விடுவிக்கும் மனு தள்ளுபடி

Re: நளினி, முருகன், அறிவு, சாந்தன் ஆகியோரை விடுவிக்கும் மனு தள்ளுபடி

Re: நளினி, முருகன், அறிவு, சாந்தன் ஆகியோரை விடுவிக்கும் மனு தள்ளுபடி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக