பல் ஈறுகள் வீங்கி வலிக்கிறது

சார் வணக்கம் ,

எனக்கு பல் ஈறுகள் வீங்கி வலிக்கிறது , ரத்தம் கசிகிறது இதற்கு என்ன செய்வது ?

இன்னொரு கேள்வி , எனக்கு குடும்ப பிரச்சினை உள்ளது . அதை யாரிடம் சொன்னால் நல்ல யோசனை கிடைக்கும் ? அவருடைய தனி மெயில் முகவரி இருந்தால் கொடுக்கவும் . என் மனைவிக்கும் எனக்கும் மிக பெரிய ''பிரச்சினை'' அதை தீர்க்க ஈனக்கு வழி தெரியவில்லை . யாராவது எனக்கு உதவுங்கள் , என் மனம் மிகவும் வேதனை அடைந்துள்ளது . ப்ளீஸ் .................................

ஆஹா , சிவகுமார் திரும்பவும் வந்துட்டாறு

ஒரு மாதம் உடல் நிலை சரியில்லை , டெங்கு மலேரியாவால் பாதிப்பு , இப்போதுதான் ஆபீஸ் வந்தேன் , ஈகரையை மறக்க முடியுமா ? மேலும் எனக்கு பிரச்சினைகள் கூட , அதன் யோசனை கேட்க வந்தேன் . அனைவருக்கும் வணக்கம் !!!

SHIVA KUMAR wrote:ஒரு மாதம் உடல் நிலை சரியில்லை , டெங்கு மலேரியாவால் பாதிப்பு , இப்போதுதான் ஆபீஸ் வந்தேன் , ஈகரையை மறக்க முடியுமா ? மேலும் எனக்கு பிரச்சினைகள் கூட , அதன் யோசனை கேட்க வந்தேன் . அனைவருக்கும் வணக்கம் !!!

வணக்கம் நண்பா

இப்ப எப்படி இருக்கு டெங்கு மலேரியா என்றால் உடல்வலி இன்னும் தொடர்ந்துக்கொண்டே இருக்குமே

நல்ல சத்தான உணவு சாப்பிட்டு உடம்பையும் மனதையும் ரிலாக்ஸ்டா வெச்சுக்கோங்க சிவகுமார்.... பிரச்சனை இல்லாத வாழ்க்கை எங்கயுமே இல்லப்பா... பிரச்சனைகள் பல பல ரூபத்தில் எல்லார் வீட்டிலயும் இருந்துக்கிட்டு தாம்பா இருக்கு... நாம கொஞ்சம் பார்த்து பொறுமையா இருந்து அன்பா சொல்லி சரி செய்துடலாம்பா....

உப்பு போட்டு பற்களை தேய்க்கலாம்.. இல்லேன்னா திருஷ்டிக்கு கட்டுவோமே படிகாரக்கல் அதை நெருப்பில் போட்டால் அதாவது அடுப்பில் விறகு கட்டையிட்டு சமைக்கும்போது விறகுக்கள் நெருப்பு பூத்து இருக்கும்ல? அதுல படிகாரம் போட்டு வெச்சால் பூ மாதிரி பூத்து வரும் படிகாரம் அதை எடுத்து மிக்சியில் இட்டு பொடி செய்து அதை கொண்டு பற்கள் தேய்த்தால் உடனடி தீர்வு கிடைக்கும்...

வீட்டில் பிரச்சனையா? இப்ப தானே கொஞ்சம் நாள் முன்னாடி குழந்தைகளுக்கு நல்ல பெயர் கேட்டீங்க எனக்கு நினைவிருக்கு...

கொஞ்சம் பொறுமையா இருந்தால் துவேஷமும் கோபமும் வருத்தமும் மறைந்து அங்கே அமைதி நிலவும் கண்டிப்பா... நீயா நானான்னு கத்திக்கிட்டே இருந்தால் மாறி மாறி அங்கே கண்டிப்பா தீர்வு கிடைக்காது மனசு வருத்தம் மட்டுமே அதிகரிக்கும்பா...

ஒருவேளை நீங்க சொன்னது உங்க மனைவிக்கு உங்க கருத்து ஒத்து போகாமல் இருக்கலாம்... நல்லதை எப்பவும் பொறுமையா எத்தனை முறை வேண்டுமானாலும் சொல்லலாம் ஆனால் அதை கோபமா சொல்லாம அமைதியா அன்பா சொல்லிப்பாருங்களேன்... அதன் பலன் கண்டிப்பா நன்மையே நடக்கும்....

இந்த சின்ன வயசுலயே பிரச்சனைகளை கண்டு மிரண்டால் இன்னும் வாழ்க்கைப்பாதையில் நீங்க போகும் தூரம் நிறைய வருஷங்கள் இருக்குப்பா... நிதானமும் பொறுமையும் மனிதனை கண்டிப்பா சமன்படுத்தி நல்ல தீர்வை யோசிக்கவைக்கும்பா...

உங்கள் உடல்நலம் முதலில் பார்த்துக்கோங்க...