ஒரு துளி கண்ணீரில்.....

by ஹாசிம் Wed Jul 28, 2010 3:26 pm

உன் ஒற்றைக் கண்ணில்
உதிருகின்ற ஒரு துளிக் கண்ணீரில்
உதிரம் கொதிக்கிறது கண்ணே
உறங்க மறுக்கிறது என் கண்கள்

உயிராய் நானிருந்தும்
உடலை அகன்றிருக்க
உணர்வாய் நானிருந்தும்
உறவு துறந்திருக்க

என்மார்பில் முகம்பதித்து
எப்பொழுதும் துயர்நீத்தாய்
எட்டிநின்ற காரணத்தால்
எதற்காக கண்ணீர் வடிக்கிறாய்

தாலாட்டுப் பாடுகின்ற
தாயாக நான் மாறி
தாயவள் உனை நான்
தாங்கத்தான் மாட்டேனா

துடைத்துவிடு இப்பொழுது
துயரம்தான் மறந்துவிடு
துயில் கொண்டேனும்
துரத்திவிடு சோகங்களை

என்னுயிரே அழாதே
என்னிதயம் கலங்குதடி
எதார்த்தமான நாள் வந்து
எம் நிலை மாற்றுமடி....

by மஞ்சுபாஷிணி Wed Jul 28, 2010 4:01 pm

ஒரு துளிக்கண்ணீருக்கு கூட எத்தனை மதிப்பு....
அந்த கண்ணீரில் தெரியும் உண்மையும் காதலும் அன்பும் சொல்லும் அர்த்தங்கள் ஆயிரம் என்பதை மிக அழகான வரிகளில் சொன்ன விதம் அழகு ஹாசிம்....

தாயின் ஒரு துளிக்கண்ணீரில் மகன் தன் சுயநலம் தொலைப்பான்
காதலியின் ஒரு துளிக்கண்ணீரில் காதலன் தன் தனிமை மறப்பான்
மனைவியின் ஒரு துளிக்கண்ணீரில் கணவன் தன் ஏக்கம் பிரதிபலிப்பான்
கண்மணி மகளின் ஒரு துளிக்கண்ணீரில் தன் அகம்பாவம் அனைத்தும் உதறுவான்....

அழகிய வரிகளில் அன்பு இழைந்தோடுவதை காண்கிறேன் ஹாசிம்...

அன்பு பாராட்டுகள்....

by அப்புகுட்டி Wed Jul 28, 2010 4:18 pm

கண்ணீர் துளியில் உருவான ஹாசிமின் கவிதை அருமை
அன்பு வாழ்த்துக்கள்.

by செந்தில் Wed Jul 28, 2010 4:26 pm

மிக அருமையான வரிகள் வாழ்த்துக்கள் ஹாசிம் ஒரு துளி கண்ணீரில்..... 154550

by ஹாசிம் Wed Jul 28, 2010 7:11 pm

மஞ்சுபாஷிணி wrote:ஒரு துளிக்கண்ணீருக்கு கூட எத்தனை மதிப்பு....
அந்த கண்ணீரில் தெரியும் உண்மையும் காதலும் அன்பும் சொல்லும் அர்த்தங்கள் ஆயிரம் என்பதை மிக அழகான வரிகளில் சொன்ன விதம் அழகு ஹாசிம்....

தாயின் ஒரு துளிக்கண்ணீரில் மகன் தன் சுயநலம் தொலைப்பான்
காதலியின் ஒரு துளிக்கண்ணீரில் காதலன் தன் தனிமை மறப்பான்
மனைவியின் ஒரு துளிக்கண்ணீரில் கணவன் தன் ஏக்கம் பிரதிபலிப்பான்
கண்மணி மகளின் ஒரு துளிக்கண்ணீரில் தன் அகம்பாவம் அனைத்தும் உதறுவான்....

அழகிய வரிகளில் அன்பு இழைந்தோடுவதை காண்கிறேன் ஹாசிம்...

அன்பு பாராட்டுகள்....

மிக்க நன்றி அக்கா
வழமைபோல் பின்னூட்டத்திற்கான விளக்கம் மிதமிஞ்சிய அன்பு வெளிப்பாடாக மிக சந்தோசம் அக்கா

by மீனா Wed Jul 28, 2010 7:16 pm

அருமையாக உள்ளது அண்ணா அன்பு பாராட்டுகள் ஒரு துளி கண்ணீரில்..... 677196

by சபீர் Wed Jul 28, 2010 8:26 pm

ஹாசிமின் இக்கவிதை வரிகள் என் அடிமனதில் பதிந்துவிட்டது ஹாசிம் என்னை கலங்க வைத்துவிட்டது.மிகவும் மிகவும் மிகவும் அருமையான வரிகள் ஹாசிம். ஒரு துளி கண்ணீரில்..... 67637