பிளாஸ்டிக் பாட்டில்களால் தயாரிக்கப்பட்ட படகு

ரபீக் · ரபீக் Tue Jul 27, 2010 1:44 pm

அமெரிக்காவின் சான்பிரான் சிஸ்கோ நகரில் உபயோகித்து விட்டு வீசி எறியப்பட்ட பிளாஸ்டிக் பாட்டில்களை கொண்டு படகு தயாரிக்கப்பட்டுள்ளது. இது 12,500 பாட்டில்களால் வடிவமைக்கப்பட்டது.

இப்படகு கடந்த மார்ச் மாதம் தனது பயணத்தை தொடங்கியது. பசிபிக் கடலில் மேற்கு சமோயா, நியூ கலேடோனியா வழியாக ஆஸ்திரேலியாவின் சிட்னி துறைமுகத்தை நேற்று வந்தடைந்தது.

இப்படகில் டிரோத் ஸ்சைல்டு தலைமையிலான குழுவினர் பயணம் செய்தனர். இவர்கள் 4 மாதங்களில் 15 ஆயிரம் கி.மீட்டர் தூரம் பயணம் செய்துள்ளனர்.

குளிர்பானங்கள் மற்றும் மதுவை குடித்து விட்டு பிளாஸ்டிக் பாட்டில்களை கடலில் வீசி விடுகின்றனர். இதனால் சுற்றுச்சூழல் மாசுபடுகிறது. எனவே கடல் பயணிகளுக்கு விழிப்புணர்வை ஏற்படுத்த, பிளாஸ்டிக் பாட்டில்களால் படகு தயாரித்து அதில் பயணம் செய்ததாக டிரோத்ஸ்சைல்டு தெரிவித்தார்.
சிட்னி துறைமுகத்தை வந்தடைந்த பிளாஸ்டிக் படகை நூற்றுக்கணக்கானவர்கள் திரண்டு வந்து வரவேற்றனர். தற்போது இந்த படகு சிட்னியில் உள்ள மாரிடைம் அருங்காட்சியகத்தில் பொதுமக்கள் பார்வைக்காக வைக்கப்பட்டுள்ளது.