தமிழில் ஓர் இணைய தேடுதளம்

**அருண்** · **அருண்** Tue Jul 27, 2010 10:53 am

ஆங்கில இணைய தளங்களுக்கு இணையாக, அண்ணா தொழில் நுட்பப் பல்கலைக் கழகம், தமிழில் தேடுதளம் ஒன்றினையும், தமிழ் இணைய தகவல் கோட்டையினையும் உருவாக்கித் தந்துள்ளது. இதனை அண்ணா பல்கலைக் கழகத்தில் இயங்கும் இணைய வெளி ஆராய்ச்சி மையம் உருவாக்கி யுள்ளது. இந்த தளத்தின் பெயர் சர்ச்கோ (Searchko). இதனை www.searchko.in என்ற முகவரியில் பெறலாம்.
இதுவரை ஆங்கில மொழியில் உள்ள தேடுதல் இணைய தளங்களையே நம்மில் பெரும்பாலோர் பயன்படுத்தி வருகிறோம். கூகுள் தளத்தில் தமிழ் உட்பட மற்ற மொழிகளிலும் தேடிப் பெறும் வாய்ப்பு தரப்பட்டுள்ளது. இப்போது தமிழுக்கு முக்கியத்துவம் கொடுத்து, தமிழில் ஒரு தேடல் தளம் உருவாக்கப்பட்டுள்ளது.
ஆங்கில எழுத்துக்களைப் பயன்படுத்தி, ஒலியியல் அமைப்பில் கீகளை அழுத்தி, தேடலுக்கான சொற்களை உருவாக்கித் தேடலாம். அல்லது இதில் தரப்பட்டுள்ள விசைப்பலகையை கிளிக் செய்து, அதன் மூலம் சொற்களை டைப் செய்தும் தேடலாம். (கீ போர்டு வழக்கமான கீ போர்டாக இல்லாமல் சற்று மாற்றாக உள்ளது. பழகிவிட்டால் சரியாகிவிடும்)
தேடல், மருத்துவம், இலக்கியம் எனப் பெரிய பிரிவுகள் தரப்பட்டுள்ளன. இவற்றில் தேவையானததைத் தேர்ந்தெடுத்து நாம் தேடும் தகவல்களைப் பெறலாம். தினமலர் உள்பட மூன்று தமிழ் தினசரி செய்தித் தாள்களுக்கான டேப்கள் தரப்பட்டுள்ளன. அவற்றிலிருந்து செய்திகள் கிடைக்கின்றன.
இந்த தளத் தேடலில், இயற்கை மொழி ஆய்வில் பயன்படுத்தப்படும் பல தொழில் நுட்பங்கள் பயன்படுத்தப்படுகின்றன. இணைய வெளியில் ஏறத்தாழ ஒரு கோடி தமிழ் ஆவணங்கள் உள்ளன. இவற்றை ஒருமுகப்படுத்தி, தேடலுக்கு உட்படுத்தி, தேடல் தேவைகளை நிறைவேற்றுவதே இந்த தளத்தின் நோக்கம் என இதில் ஈடுபட்டுள்ள ஆய்வாளர்களில் ஒருவரான டாக்டர் ÷ஷாபா கூறினார்.
ஆங்கிலம்–தமிழ் மற்றும் தமிழ்–ஆங்கிலம் அகராதிகள் தரப்பட்டுள்ளன. இந்த அகராதிகளில் ஏறத்தாழ 1.5 லட்சம் வேர்ச் சொற்கள் பயன்படுத்தப்பட்டுள்ளன. இவற்றைப் பயன்படுத்திச் சொற்களுக்குப் பொருள் தேடிப் பெறலாம்.
இலக்கியப் பிரிவில் தமிழ் இலக்கியங்கள் உள்ள தளங்களின் பட்டியலைப் பெற்று அவற்றைப் பயன்படுத்தலாம். இந்த தேடுதல் தளம் இன்னும் சோதனைப் பதிப்பு நிலையில் தான் உள்ளது. பிழை திருத்தி போன்றவை விரைவில் சரி செய்யப்பட்டு மேம்படுத்தப்படும் என எதிர்பார்க்கலாம்.
சரி, அது என்ன "சர்ச் கோ' என்ற ஐயம் உங்களுக்கு வரலாம். இங்கு ""கோ'' என்பது தமிழ்ச் சொல். அரசன் என்ற பொருளைத் தரும். தேடல் சாதனங்களில் இது ஒரு அரசனாக இயங்கும் என்று பொருள் தரும் வகையில் பெயரிடப்பட்டுள்ளது. தமிழில் கொண்டு வந்துள்ள இந்த முயற்சியை வரவேற்போம்

நூருல்லா · நூருல்லா Tue Jul 27, 2010 11:55 am

அவசியம் பாராட்டியே ஆக வேண்டிய பதிவு

**V.Annasamy** · **V.Annasamy** Tue Jul 27, 2010 11:57 am

நல்லதோர் பதிவிற்கு நன்றிகள் அருன்.

தேடிய தளம் யாவரும்
நாடும் தளமே.

**பிளேடு பக்கிரி** · 01/03/2010

**சிவா** · **சிவா** Thu Jul 29, 2010 2:45 pm

தமிழ் தேடுபொறிதான், ஆனால் கூகிள் தரும் தகவலில் 1000/1 பங்கு கூடத் தரவில்லையே?

**அருண்** · **அருண்** Thu Jul 29, 2010 3:13 pm

சிவா wrote:தமிழ் தேடுபொறிதான், ஆனால் கூகிள் தரும் தகவலில் 1000/1 பங்கு கூடத் தரவில்லையே?

அண்ணா இப்பதான் ஆரம்பிதுள்ளர்கள் இது இப்போது சிறுதுளிதான் நாளை அது பெர்துளியாக மாறும்......என் நினிக்கிறேன்.....

**சிவா** · **சிவா** Thu Jul 29, 2010 3:19 pm

arun_vzp wrote:
சிவா wrote:தமிழ் தேடுபொறிதான், ஆனால் கூகிள் தரும் தகவலில் 1000/1 பங்கு கூடத் தரவில்லையே?
அண்ணா இப்பதான் ஆரம்பிதுள்ளர்கள் இது இப்போது சிறுதுளிதான் நாளை அது பெர்துளியாக மாறும்......என் நினிக்கிறேன்.....

நன்றி அருண்! மேலும் வளர வாழ்த்துகள்!

அப்புகுட்டி · அப்புகுட்டி Thu Jul 29, 2010 4:12 pm

சிவா wrote:
arun_vzp wrote:
சிவா wrote:தமிழ் தேடுபொறிதான், ஆனால் கூகிள் தரும் தகவலில் 1000/1 பங்கு கூடத் தரவில்லையே?
அண்ணா இப்பதான் ஆரம்பிதுள்ளர்கள் இது இப்போது சிறுதுளிதான் நாளை அது பெர்துளியாக மாறும்......என் நினிக்கிறேன்.....

நன்றி அருண்! மேலும் வளர வாழ்த்துகள்!