கவிப்பேரரசு வைரமுத்துவின் _- அமுதத்தில் விஷம்

by **Aathira** Sun Jul 25, 2010 9:38 pm

First topic message reminder :

அமுதத்தில் விஷம்

அவசரமாய்
சுவாசிக்க வேண்டும்
காரோட்டி
ஊருக்கு வெளியே போ

இமைகளை இதமாய் மூடிப்
புருவமத்தி குறுகுறுக்க
நுரையீரல் விரிய விரிய
ஆழமாய்
அவசரமாய்
சுந்தந்திரமாய்ச்
சுவாசிக்க வேண்டும்
ஊருக்கு வெளியே போ

இந்த
நகரத்துக் காற்றில் எனக்கு
நம்பிக்கை இல்லை

காற்றின் நிறம்
கறுப்பு இல்லை

இதில்
பிராணவாயு பிரித்தெடுக்க
நாசிக்குச் சக்தியில்லை

சுற்றுயுள்ளது காற்றல்ல
இது
பெட்ரோல் டீசலின்
வளிவடிவம்

இதைச்
சுவாசிப்பதெனில்
எந்திரமூக்கு
வேண்டும் எனக்கு

பாவிகளே
மரணப்படுக்கையில்
காற்றைத் தள்ளிய
மாபாவிகளே

புகை பிடித்தீர்கள்
காற்று ரணமானது

எந்திரப் புகை எழுந்தது
காற்று இறுகியது

குப்பைகள் வானளாவின
காற்று கெட்டிப்பட்டது

எப்படி சுவாசிப்பது?
நுரையீரல் இப்போது
எஃகினால் வேண்டும் எனக்கு

அவசரமாய்
சுவாசிக்க வேண்டும்
காரோட்டி
ஊருக்கு வெளியே போ

உணவு திரிந்தால்
இரைப்பையைப் பட்டினி போடுவேன்

தண்ணீரில் கிருமிகளா
தாகத்தைத் தள்ளி வைப்பேன்

காற்று திரிந்தால்
சுவாசப் பையும்
பட்டினி கிடக்குமா?

அணு உலைகளின் பெருமூச்சு
ஆலைகளின் கருமூச்சு
தொழிற்சாலைச் சுடுமூச்சு
எல்லாம் கந்தால்
அடுத்த நூற்றாண்டில்
மனிதன் இருப்பானோ?

இல்லை
அடுத்த நூற்றாண்டில்
காற்று இருக்குமோ?

பற்று நோய் அறுத்த
துறவியர்க்கும்
புற்று நோய் வருவதேன்?

அது
நஞ்சூட்டிய காற்றின்
நன்கொடையப்பா

பத்தினிப் பெண்கள் சொல்லியும்
பருவ மழை பொய்த்ததேன்?

மேகத்தில் பால்கறக்கும்
சுத்தக்காற்று செத்துவிட்டதப்பா

அணுகுண்டுத்துகள்களினால்
காற்று எப்போதோ
கற்பிழந்து போனதப்பா

காற்றே உயிர் குடித்தால்
இனி
தொட்டிலே கல்லறையாகும்

பாவிகளே
காற்றுக்கு உயிர் கொடுங்கள்
மனிதனைக் கொன்றுதான்
விஞ்ஞானம் பிழைக்குமா?

இல்லை
சுவாசப்பை இல்லாத
மனிதனைப் படைக்குமா?

அவசரமாய்
சுவாசிக்க வேண்டும்
காரோட்டி
ஊருக்கு வெளியே போ

அங்கே
எனக்கும் முன்னால்
ஏராளக் கார்கள்
தேனடையின் தேனீக்களாய்
மனிதர்கள்

கேட்டேன்
சுவாசிக்க வந்தவர்களாம்

மூர்ச்சையானேன்

by அன்பு தளபதி Wed Jul 28, 2010 9:20 pm

அழகான வரிகள் நல்லா இருக்கு சூப்பர்

by kalaimoon70 Wed Jul 28, 2010 10:00 pm

Aathira wrote:
balakarthik wrote:அருமையான வரிகள் வைரமுத்து கவிதைகளை நான் mp3 வடிவில் சேமித்துவைத்துள்ளேன் இதுவும் கிடைகிறதா என்ன்று பார்க்கணும் பதிவிற்கு நன்றி அக்கா

ஒலிப் பேழையா? லிங்க் கொடுத்தால் பார்க்கலாம் கார்த்திக். முடிந்தால்....

கலைநிலா அவர்களின் கவிதையைப் படித்தவுடன் இதைப் பதிவிடத் தோன்றியது..இது நான் மிகவும் விரும்பி ரசித்தது..கருத்துக்கு நன்றி கார்த்திக்.

வைரமுத்துவின் ரசிகன் நான் .இவரின் கவிதையை ரசித்து படிப்பேன்.
கவிதை தந்து உதவிய தோழிக்கு நன்றி ...............

by **Aathira** Wed Jul 28, 2010 11:11 pm

kalaimoon70 wrote:
Aathira wrote:
balakarthik wrote:அருமையான வரிகள் வைரமுத்து கவிதைகளை நான் mp3 வடிவில் சேமித்துவைத்துள்ளேன் இதுவும் கிடைகிறதா என்ன்று பார்க்கணும் பதிவிற்கு நன்றி அக்கா

ஒலிப் பேழையா? லிங்க் கொடுத்தால் பார்க்கலாம் கார்த்திக். முடிந்தால்....

கலைநிலா அவர்களின் கவிதையைப் படித்தவுடன் இதைப் பதிவிடத் தோன்றியது..இது நான் மிகவும் விரும்பி ரசித்தது..கருத்துக்கு நன்றி கார்த்திக்.

வைரமுத்துவின் ரசிகன் நான் .இவரின் கவிதையை ரசித்து படிப்பேன்.
கவிதை தந்து உதவிய தோழிக்கு நன்றி ...............

அதனால்தான் பதிந்தேன் கலைநிலா..
அதே போல் ஹாசிமின் வாடகைத்தாய் கவிதையைப் படித்தவுடன் என் முதல் சிறுகதை குமுதம் ஹெல்த் இதழில் வெளிவந்ததை இங்கு பதிந்து உள்ளேன்..
தங்கள் கருத்துக்கு..
http://www.eegarai.net/-f19/-t35637.htm