பயிற்சியாளர் மீது கிரிமினல் நடவடிக்கை: "ஹாக்கி இந்தியா' அதிரடி

செக்ஸ் புகாரில் சிக்கியுள்ள ஹாக்கி பயிற்சியாளர் கவுஷிக் மீது கிரிமினல் நடவடிக்கை எடுக்கும்படி டில்லி போலீசுக்கு பரிந்துரை செய்யப்பட்டுள்ளது. இந்திய பெண்கள் ஹாக்கி அணியின் பயிற்சியாளராக கவுஷிக் இருந்தார். இவர் மீது ரஞ்சிதா தேவி என்ற வீராங்கனை சமீபத்தில் புகார் கூறினார். தனக்கு செக்ஸ் ரீதியான தொல்லை கொடுப்பதாக குற்றம் சாட்டினார். இதையடுத்து பயிற்சியாளர் பதவியை கவுஷிக் ராஜினாமா செய்தார். செக்ஸ் தொழிலாளர்களுடன் உல்லாசமாக இருந்த அணியின் "வீடியோகிராபர்' பசவ்ராஜ் "சஸ்பெண்ட்' செய்யப்பட்டார். கவுஷிக் மீதான செக்ஸ் புகார் பற்றி விசாரித்த ராஜிவ் மெஹ்தா தலைமையிலான 5 நபர் கமிட்டி தனது அறிக்கையை "ஹாக்கி இந்தியா' அமைப்பிடம் சமர்ப்பித் தது. இதனை ஆய்வு செய்ததில் வீராங்கனை ரஞ்சிதா கூறிய புகாரில் உண்மை இருப்பதாக கண்டறியப் பட்டது. இதையடுத்து கவுஷிக் மீது போலீஸ் நடவடிக்கை எடுக்கும் படி பரிந்துரை செய்யப்பட்டுள்ளது. இது குறித்து "ஹாக்கி இந்தியா' அமைப்பின் பொது செயலர் நரேந்தர் பத்ரா கூறியது:ரஞ்சிதாவின் புகாரை "சீரியசாக' எடுத்துக் கொண் டோம். தனது குற்றச் சாட்டுகளை மிகவும் தெளிவாக கூறியிருந்தார். அவை நம்பத்தகுந்த வகையில் இருந்தன. எனவே,
தீவிரமாக விசாரித்து உடன் நடவடிக்கை எடுக்க வேண்டும் என கருதினோம். இவ்விஷயத்தில் சுப்ரீம் கோர்ட்டின் முந்தைய தீர்ப்பின்படி, பணியிடத்தில் பெண்களை இழிவுப் படுத்துவதற்கு எதிரான இந்திய தண்டனை சட்டம் 354 பிரிவை பின்பற்ற உள்ளோம். புகாரை விசாரித்து கிரிமினல் நடவடிக்கை எடுக்கும்படி டில்லி போலீசாருக்கு பரிந்துரை செய்துள்ளோம். எப்.ஐ.ஆர்., பதிவு செய்து, விசாரணையை துவக்கும்படி கேட்டுக் கொண்டுள்ளோம். மத்திய அரசும் தானாகவே முன் வந்து நடவடிக்கை எடுக்கலாம். கவுஷிக் விவகாரம் மற்றவர்களுக்கு முன்உதாரணமாக இருக்க வேண்டும். இந்திய விளையாட்டில் இத்தகைய சம்பவம் எதிர்காலத்தில் நடக்க கூடாது."வீடியோகிராபர்' பசவ்ராஜ், செக்ஸ் தொழிலாளர்களுடன் இருக்கும் வகையில் வெளியான படங்கள் உண்மையானது என்பதை துணை பயிற்சியாளர்கள் உறுதி செய்துள்ளனர். எனவே, கவுஷிக் மற்றும் பசவ் ராஜ் ஆகியோர் இந்திய ஹாக்கி அணிக்காக எதிர்காலத்தில் பணியில் அமர்த்தப்பட மாட்டார்கள். இவ்வாறு நரேந்தர் பத்ரா கூறினார்.இதற்கிடையே தனக்கும் கவுஷிக் கிற்கும் இடையே தொடர்பு இருப்பதாக குற்றம்சாட்டிய வீராங்கனைகள் மீது சட்டப்படி நடவடிக்கை எடுக்கப்படும் என, இந்திய அணியின் முன்னாள் துணை மானேஜர் அனிருதா செய்னி எச்சரித்துள்ளார்.

நன்றி தினமலர்