22ம் தேதி முழு சூரிய கிரகணம்

by **சிவா** Sun Jul 19, 2009 11:11 pm

22ம் தேதி முழு சூரிய கிரகணம் வெறும் கண்ணால் பார்த்தால் ஆபத்து விஞ்ஞானிகள் எச்சரிக்கை

சென்னை : தமிழ்நாடு அறிவியல் இயக்க சென்னை மண்டல தலைவர் சி.ராமலிங்கம், விஞ்ஞானி பார்த்தசாரதி, பேராசிரியர் முருகன் ஆகியோர் நிருபர்களிடம் நேற்று கூறியதாவது:

பூமிக்கும் சூரியனுக்கும் இடையே சந்திரன் நேர்கோட்டில் வருவதால் சூரிய கிரகணம் ஏற்படுகிறது. இந்த நூற்றாண்டின் மிக நீண்ட சூரிய கிரகணம், 22ம் தேதி நிகழப்போகிறது. குஜராத் சூரத்தில் காலை 6.23 மணிக்கு தொடங்குகிறது. பரோடா, போபால், கயா, பாட்னா, டார்ஜிலிங், காங்டாங் மற்றும் இடாநகர் ஆகிய இடங்களில் முழு சூரிய கிரகணம் தெரியும். மற்ற இடங்களில் பகுதி சூரிய கிரகணமாக தெரியும்.

சென்னையில் 5.29 மணிக்கு கிரகணம் தொடங்கி 7.18 மணிக்கு முடிகிறது. 6.23 முதல் 6.30 மணி வரை அதிகபட்ட சூரிய கிரகண நேரம். சூரியன் உதிக்கும் போதே சந்திரன் நிழல் சூரியனை ஆக்கிரமிப்பதால் முழு சூரியனையும் பார்க்க முடியாது. சென்னையில் 62.7 சதவீதம் அளவுக்கு கிரகணம் தெரியும். குமரியில் 47.4 சதவீதம், நெல்லையில் 49.6 சதவீதம், மதுரையில் 53.6 சதவீதம், தஞ்சையில் 55.3 சதவீதம், புதுச்சேரியில் 58.8 சதவீதமும் கிரகணம் இருக்கும்.சென்னை மெரினா கடற்கரை (காந்தி சிலை), திருவான்மியூர் கடற்கரை (திருவள்ளுவர் நகர்), புதுச்சேரி, கல்பாக்கம், கடலூர், நாகை, ராமநாதபுரம், குமரி கடற்கரைகளிலும் மற்ற இடங்களில் மாவட்ட தலைநகரங்களிலும் தமிழ்நாடு அறிவியல் இயக்கம் சார்பில் கிரகணத்தை பார்க்க ஏற்பாடு செய்யப்பட்டுள்ளது.

வெறும் கண்ணால் சூரிய கிரகணத்தை பார்த்தால் கண் விழித்திரை பாதிப்படையும்.

கிரகணத்தின் போது வெளியே வரக்கூடாது. சுனாமி, பூகம்பம் ஏற்படும் என்பது கட்டுக்கதை. சூரிய கிரகணத்தை பார்க்க, சூரிய ஒளி (மைலார் கிளாஸ்) வடிகட்டி கண்ணாடியை ரூ.5க்கு விற்கிறோம்.

சீனாவில் 6 நிமிடம் சூரியகிரகணம் இருக்கும்.

கடைசியாக, 1999ம் ஆண்டு முழு சூரிய கிரகணம் தெரிந்தது. ஜூலை 22ம் தேதி கிரகணம்தான், இந்த தலைமுறையினர் பார்க்கும் கடைசி முழு சூரிய கிரகணம். இதன்பின்னர் 2034ல் சூரியகிரகணம் ஏற்படும். ஆனால், இதுபோன்ற நீண்ட முழு சூரிய கிரகணம் இன்னும் 123 ஆண்டுகளுக்குப் பின் 2132ல் தான் நிகழும். இவ்வாறு அவர்கள் கூறினர்.

ஏன் பார்க்கக்கூடாது?

சூரிய கிரகணத்தை வெற்று கண்ணால் பார்த்தால், சூரிய ஒளி விழித்திரையில் குவிந்து புண்ணாக்கி விடும். இதனால் பார்வை பறிபோகும். முழு சூரிய கிரகணத்தின் போது திடீரென்று இருள் கவ்வும். அப்போது சூரியனை நாம் பார்க்கும் போது நமது பார்வை 3 மடங்கு பெரிதாகி இருளை பார்க்கும். இதனால் கண்ணுக்குள் சூரிய ஒளி 10 மடங்கு அதிகம் பாய வழிவகுக்கும்.
இச்சூழலில் முழு சூரிய கிரகணம் முடிந்து, திடீரென்று ஒளி வெளிவருவதை கண்கள் பார்க்க நேரிட்டால், மேலும் 10 மடங்கு சூரிய ஒளி கண்ணுக்குள் திடீரென்று பாய்ந்து கண் பார்வையை பாதித்துவிடும். எனவே, சூரியனை வெறும் கண்ணால் நேரடியாக பார்க்க கூடாது. தண்ணீரில் பிரதிபலிக்கும் சூரியனையும் பார்க்க கூடாது. டெலஸ்கோப், பைனாகுலர், எக்ஸ்ரே பிலிம் மூலமும் பார்க்க கூடாது. மைலார் கண்ணாடி மூலம் மட்டுமே பார்க்க வேண்டும்.

by நிலாசகி Sun Jul 19, 2009 11:14 pm

சூரியனை வெறும் கண்ணால் நேரடியாக பார்க்க கூடாது. தண்ணீரில்
பிரதிபலிக்கும் சூரியனையும் பார்க்க கூடாது. டெலஸ்கோப், பைனாகுலர்,
எக்ஸ்ரே பிலிம் மூலமும் பார்க்க கூடாது. மைலார் கண்ணாடி மூலம் மட்டுமே
பார்க்க வேண்டும்.

by Guest Mon Jul 20, 2009 9:42 am

அப்படியா சூரிய கிரகணமா

ஒகே நன்றி

22 தேதி வானத்துல வசிக்கும் ஒன்னயுமே பாக்க கூடாதா

ரொம்ப கஷ்டமாச்சே

என்ன பண்ணுவேன்

செரி எல்லாத்தையும் சகிச்சுக்கிட வேண்டியதுதான்

by Sponsored content

22ம் தேதி முழு சூரிய கிரகணம்

22ம் தேதி முழு சூரிய கிரகணம்

Re: 22ம் தேதி முழு சூரிய கிரகணம்

Re: 22ம் தேதி முழு சூரிய கிரகணம்

Re: 22ம் தேதி முழு சூரிய கிரகணம்