மின்னஞ்சல் முகவரி

by **சிவா** Sun Oct 12, 2008 12:29 am

First topic message reminder :

புதிதாக மின்னஞ்சல் உலகில் சஞ்சாரம் செய்ய ஆசைப்படுகின்ற, ஆனால் தொழில்நுட்ப அச்சங்கள் காரணமாகப் பின்னடிக்கின்ற சிலருக்கான அடிப்படைத் தகவல்களையும், தமிழில் மின்னஞ்சல் அனுப்ப முயற்சித்து பல்வேறு சிரமங்களையும் அனுபவிக்கின்ற புதிய
பாவனையாளர்களுக்கான அவசியத் தகவல்களையும் தாங்கி வருகிறது இந்தக் கட்டுரை.

ஏற்கனவே மின்னஞ்சல் அனுப்புகின்ற அல்லது பாவிக்கின்ற பாவனையாளர்களுக்கு, இந்தக் கட்டுரையின் பல தகவல்கள் முன்னரே அறிந்தவையாக இருக்கும் என்பதை முன்னதாகவே சொல்லி வைத்துக்கொண்டு, கட்டுரைக்குள் நுழைகிறோம்.

கணினி ஒன்றை வைத்திருக்கிறீர்கள் அல்லது வீட்டிலிருக்கும் கணினியை நீங்களும் பாவித்துக்கொள்ள வாய்ப்பிருக்கிறது என்ற சூழ்நிலை இருந்தால், அடுத்து அவசியம் தேவைப்படுவது ஒரு மின்னஞ்சல் முகவரி.

கணினி ஒன்று வீட்டில் இல்லாவிட்டாலும் கூட, மின்னஞ்சல் முகவரியை வைத்திருப்பதற்கு நிறைய வாய்ப்புக்கள் உள்ளன. இன்ரநெற் கஃபே என்று அழைக்கப்படும், இணையத்தளங்களை வாடிக்கையாளர்கள் மேய்வதற்காக சில அங்காடிகள் ஆங்காங்கே உருவாக்கப்பட்டுள்ளன. பொது
நூலகங்கள் உட்பட, சில பொது நிறுவனங்கள், சமூக சேவை நிலையங்கள், தன்னார்வத் தொண்டர்சேவை சங்கங்கள் அல்லது அமைப்புக்கள் போன்ற பலவும், இணையத்தைப் பார்வையிட, பொதுமக்களுக்கு வசதிகள் செய்து கொடுத்துள்ளன.

by **சிவா** Sun Oct 12, 2008 12:37 am

இதோ அந்த அட்டவணை கீழே:

மின்னஞ்சல் முகவரி - Page 2 Bamini_chart_2

by **சிவா** Sun Oct 12, 2008 12:37 am

மின்னஞ்சல் அனுப்புவதை புதிதாகப் பழகுகின்ற பாவனையாளர்கள், உங்களது மின்னஞ்சல் முகவரிக்கே பல்வேறு மின்னஞ்சல்களையும் அனுப்பி, பரீட்சித்துப் பார்க்கலாம். உதாரணமாக, ஜிமெயில் அல்லது வேறுவகை மின்னஞ்சல் சேவையில், மின்னஞ்சல் முகவரியைப் பதிவுசெய்து
பெற்றுக்கொண்ட பின்னர், அந்த முகவரியிலிருந்து, உங்களது அதே முகவரிக்கே மின்னஞ்சல் அனுப்புங்கள். அனுப்பிய மின்னஞ்சல் கிடைத்ததும், அது சரியாக இருக்கிறதா, அதைப் பெறுபவர் திருப்தியடையும் வகையில் அந்த மின்னஞ்சலை நீங்கள் உருவாக்கியிருக்கிறீர்களா என்பதை
பரிசோதித்துப் பாருங்கள். குறிப்பாக, தமிழில் மின்னஞ்சல் அனுப்புவதாக இருந்தால், ஒரு சில வரிகளை தமிழில் தட்டச்சு செய்து, அதை உங்களது முகவரிக்கே அனுப்பி, அது சரியாக வருகிறதா என்று பாருங்கள். வந்திருக்கும் மின்னஞ்சல் உங்களுக்கு திருப்தி தருவதாக இருந்தால், நீங்கள் வெற்றி பெற்று விட்டீர்கள் என்று அர்த்தம். இனி என்ன கவலை, அத்தனை நண்பர்களுக்கும் ஈமெயிலில் ஹாய் சொல்லி, புதிய இலத்திரனியல் உறவுக்குள் அனைவரையும் அழைத்து வாருங்கள். அல்பேட்டாவில் சென்று குடியேறிவிட்ட நண்பருக்கும், வார்ட்டர்லூ பல்கலைக்கழகத்தில் படித்துக்கொண்டிருக்கும் உங்கள் இளைய மகளுக்கும், ஒஸ்லோவுக்கு விடுமுறையில் சென்றிருக்கும் மருமகளுக்கும் திடீர் ஈமெயில் அனுப்பி அசத்துங்கள்.

"தொட்டனைத் தூறு மணற்கேணி மாந்தர்க்குக்
கற்றனைத் தூறும் அறிவு" (திருவள்ளுவர்)

தோண்டத் தோண்ட ஊற்றுநீர் கிடைப்பது போலத் தொடர்ந்து படிக்கப் படிக்க அறிவு பெருகிக் கொண்டே இருக்கும் (கலைஞர் உரை)

குயின்ரஸ் துரைசிங்கம் (காவலூர்)
ஸ்காபரோ – கனடா

நன்றி: எழில்நிலா