கள்ளக்காதலனின் மகனைக்கொன்ற பூவரசி ஜாமீன் மனு தாக்கல்

ரபீக் · ரபீக் Wed Jul 28, 2010 6:19 pm

காதலித்து ஏமாற்றியவனின் மகனைக்கொன்ற பூவரசிக்கு ஜாமீன் கேட்டு வக்கீல் அசோக்குமார் சென்னை முதன்மை செசன்சு கோர்ட்டில் இன்று மனு தாக்கல் செய்தார். அதில், “தொடர்ந்து போலீசாரின் விசாரணைக்கு ஒத்துழைப்பு கொடுப்பேன் என்றும் எனவே தனக்கு ஜாமீன் வழங்க வேண்டும்” என்றும் கூறி உள்ளார்.
விருகம்பாக்கத்தை சேர்ந்த தனியார் இன்சூரன்ஸ் நிறுவன அதிகாரி ஜெயக்குமார். இவரது மகன் ஆதித்யா (4), இவன் கடந்த வாரம் கொடூரமான முறையில் படுகொலை செய்யப்பட்டான். இவனது பிணம் நாகப்பட்டினம் பஸ் நிலையத்தில் சூட்கேசில் இருந்து மீட்கப்பட்டது.

இது குறித்து சென்னை போலீசார் விசாரணை நடத்தியதில் ஜெயக்குமார் காதலி பூவரசி (27) என்பவர் சிறுவன் ஆதித்யாவை கொலை செய்தது தெரிய வந்தது. கைதான பூவரசி புழல் மத்திய சிறையில் அடைக்கப்பட்டுள்ளார். இவர் தனக்கு ஜாமீன் கேட்டு சென்னை ஜார்ஜ் டவுன் கோர்ட்டில் தாக்கல் செய்த மனு தள்ளுபடியானது.

இதையடுத்து பூவரசி வக்கீல் அசோக்குமமார் மூலம் ஜாமீன் கேட்டு சென்னை முதன்மை செசன்சு கோர்ட்டில் இன்று மனு தாக்கல் செய்தார். அதில், “தொடர்ந்து போலீசாரின் விசாரணைக்கு ஒத்துழைப்பு கொடுப்பேன் என்றும் எனவே தனக்கு ஜாமீன் வழங்க வேண்டும்” என்றும் கூறி உள்ளார்.

இந்த மனு நாளை (28-ந்தேதி) நீதிபதி தேவதாஸ் முன்பு விசாரணைக்கு வருகிறது.

இதற்கிடையே பூவரசி மற்றொரு மனுவையும் தாக்கல் செய்துள்ளார்.

அதில் டி.வி.க்களில் தன்னைப்பற்றி அவதூறான பல்வேறு கருத்துக்கள் வெளியிடப்படுகின்றன. குற்றச்சாட்டுகளை நிரூபிக்காமலேயே போலீஸ் அதிகாரிகள் தன்னைப்பற்றி பொதுமக்கள் மத்தியில் தவறாக கருத்துக்களை பரப்புகிறார்கள். எனவே ஊடகங்களில் என்னைப் பற்றி போலீசார் அவதூறு பிரசாரம் செய்ய தடை விதிக்க வேண்டும்” என்றும் கூறி உள்ளார்.

கள்ளக்காதலனின் மகனைக்கொன்ற பூவரசி ஜாமீன் மனு தாக்கல்

கள்ளக்காதலனின் மகனைக்கொன்ற பூவரசி ஜாமீன் மனு தாக்கல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக