ஹிந்துவாயிருப்பது குற்றமா...?

பள்ளிகளில் பயிலும் மதச் சிறுபான்மை பிரிவைச் சார்ந்த ( முஸ்லீம் மற்றும் கிறித்தவ )மாணவ மாணவியர்களுக்கு மத்திய மாநில அரசுகள் ஆண்டுதோறும் கல்வி உதவித் தொகை வழங்கி வருகின்றன; முதல் வகுப்பில் பயில்வோருக்கு சுமார் 1000 ரூபாயும், 4ஆம் வகுப்பு வரை பயில்வோருக்கு சுமார் 4500 ரூபாயும், 5ஆம் வகுப்பு பயில்வோருக்கு சுமார் 5000 ரூபாயும், 6 முதல் +2 வரை பயில்வோருக்கு சுமார் 10000 ரூபாயும் கல்வி உதவித் தொகையாக வழங்கப்படுகிறது. மேலும் கல்லூரி, மருத்துவ, பொறியியல் வகுப்புகளில் பயிலும் கிறித்தவ முஸ்லீம் மாணவ மாணவியர்க்கும் சுமார் 40000 ரூபாய் வரை கல்வி உதவித் தொகையாக வழங்கப்பட்டு வருகிறது. இந்த வகையில் கடந்த நிதியாண்டில் சுமார் 20 கோடி ரூபாய் வரை கல்வி உதவித் தொகையாக வழங்கப்பட்டிருக்கிறது.
மாணவர்களுக்கு இப்படி கல்வி உதவித் தொகை வழங்கப்படுவது மிகவும் வரவேற்கத்தக்கது. குடும்பத்தில் நிலவும் பொருளாதாரப் பிரச்னைகளால் மாணவர்களின் கல்வி பாதிக்கப்படாமலிருக்க இந்த உதவித் தொகை பெரிதும் உதவும்.
ஆனால், ஹிந்து மதத்தைச் சார்ந்த மாண்வ மாணவியர்க்கு மட்டும் இத்தகைய உதவித் தொகை ஏன் வழங்கப்படுவதில்லை..?
கல்வி உதவித் தொகை பெறுவதற்கு குடும்பத்தின் பொருளாதார நிலை கண்க்கிலெடுத்துக் கொள்ளப்படாமல் மதம் அடிப்படையாய் கொள்ளப்படுவது ஏன்...?
ஏழ்மை என்பது மதத்தை அடிப்படையாகக் கொண்டதல்ல;கிறித்தவ முஸ்லீம் மாணவர்கள் அனைவரும் ஏழைகள் அல்லர்; ஹிந்து மாணவர்கள் அனைவரும் வசதி படைத்தவர்க்ளும் அல்லர். இந்நிலையில் மத அடிப்படையில் கிறித்தவ முஸ்லீம் மாணவர்களுக்கு மட்டும் உதவித் தொகை வழங்குவது எந்த வகையில் நியாயம்...?
ஹிந்துவாய் பிறந்த ஒரே காரணத்திற்காக அவர் தாழ்த்தப்பட்ட பிற்படுத்தப்பட்ட வகுப்பைச் சார்ந்தவராயிருந்த போதிலும்,மிகுந்த ஏழையாயினும் கூட கல்வி உதவித் தொகை மறுக்கப்படுவதும், கிறித்தவராய் முஸ்லீமாய் மதம் மாறிய ஒரே காரணத்திற்காக அவர் பெரும் செல்வந்தர் குடும்பத்தை சார்ந்தவராயிருந்த போதிலும் கூட கல்வி உதவித் தொகை வழங்கப்படுவதும் எந்த நியாயத்தினடிப்படையில் சரியாகும்..?
குழந்தைகள் மற்றும் இளம் வயதில் ஒன்றாகச் சேர்ந்து பயிலும் மாணவர்களிடையே மத அடிப்படையில் பேதங்கள் காட்டப்படுவது அவர்களது நெஞ்சில் விபரீத எண்ணங்களை உருவாக்காதா..?

அரசு தான் கடைபிடிப்பதாக கூறிக் கொள்ளும் மதச் சார்பின்மைக் கொள்கை என்பது இதுதானா..?
ஹிந்துக்களை புறக்கணிப்பது என்பதுதான் மதச்சார்பின்மைக் கொள்கைக்கு இலக்கணமா..?
இந்தப் போக்கு சமுதாய ஒற்றுமையை சீர்குலைக்காதா..?

கிறித்தவ முஸ்லீம் மாணவர்களுக்கு கல்வி உதவித்தொகை வழங்கப்படுவது தொடரட்டும்; அதில் ஆட்சேபிக்க ஒன்றுமில்லை. ஆனால், அதே போல ஹிந்து மாணவர்களுக்கும் உதவித்தொகை வழங்குவதே சரியானதாயிருக்கும்.
இந்தியாவில் ஹிந்துவாய் பிறப்பதும் ஹிந்துவாயிருப்பதும் குற்றமா...?

நன்றி
காந்தி ராஜா

Dear

Very Good posting. Excellent...