தமிழகத்தில் அரசியல் மாற்றம்:கிருஷ்ணசாமி

சென்னையில் செ‌ய்‌தியாள‌ர்க‌ளிட‌ம் பே‌சிய புதிய தமிழகம் கட்சியின் தலைவர் மரு‌த்துவ‌ர் கிருஷ்ணசாமி தமிழ்நாடு அரசியல் களத்தில் கடந்த 15 ஆண்டுகளாக அடித்தட்டு மக்களின் மண்ணுரிமை, மனித உரிமை உள்ளிட்ட பல பிரச்சனைகளை முன்னிறுத்தி புதிய தமிழகம் கட்சி போராடி வருகிறது என தெரிவித்தார்.


எனினும், பிரதான கட்சிகளைக் கொண்ட அணியில் சேர்ந்து தேர்தல்களில் போட்டியிடும் வாய்ப்பு இதுவரை கிடைக்கவில்லை. இப்போது அ.இ.அ.தி.மு.க. அணியில் சேர்வதற்கான வாய்ப்பு கிடைத்துள்ளது.

அடுத்த ஆண்டு நடைபெற உள்ள தமிழக சட்டப் பேரவை தேர்தலில் அ.இ.அ.தி.மு.க. தலைமையிலான அணியில் சேர்ந்து புதிய தமிழகம் கட்சி போட்டியிடும். எங்கள் கட்சிக்கு உரிய கெüரவத்தை அளிக்கும் வகையில் தொகுதிகளை ஜெயலலிதா ஒதுக்கீடு செய்வார்.

நிலமற்ற ஏழை விவசாயிகளுக்கு 2 ஏக்கர் நிலம் வழங்குவது, சொந்த வீடு இல்லாத ஏழைகளுக்கு 3 சென்ட் இலவச வீட்டு மனை வழங்குவது, அரசுத் துறைகளில் காலியாக உள்ள தாழ்த்தப்பட்ட, பழங்குடியின பிரிவினருக்கான ஒன்றரை லட்சம் பின்னடைவுப் பணியிடங்களை நிரப்புவது என்பன உள்ளிட்ட தேர்தல் வாக்குறுதிகளை தி.மு.க. அரசு நிறைவேற்றவில்லை.

எனவே,தமிழகத்தில் உடனடியாக அரசியல் மாற்றத்தை ஏற்படுத்த வேண்டிய அவசியம் ஏற்பட்டுள்ளது. அ.இ.அ.தி.மு.க. பொதுச் செயலர் ஜெயலலிதாவால்தான் அத்தகைய அரசியல் மாற்றத்தை ஏற்படுத்த முடியும். எனவேதான், நாங்கள் அ.இ.அ.தி.மு.க. அணியில் இணைந்துள்ளோம் என்று கிருஷ்ணசாமி கூ‌றினா‌ர்.


ராம்