மனைவியை தீயிட்டு கொல்ல முயன்றதாக கணவர் கைது

ரபீக் · ரபீக் Thu 22 Jul 2010 - 12:16

மனைவியைத் தீ வைத்து எரித்துக் கொலை செய்ய முயன்றதாக, அவரது கணவரை போலீஸôர் கைது செய்துள்ளனர்.

போடி சர்ச் தெருவைச் சேர்ந்தவர் கோவிந்தராஜ் (23). பெயிண்டர். இவருக்கும், இதே பகுதியைச் சேர்ந்த ராஜேஸ்வரிக்கும் (19) கடந்த ஒன்றரை ஆண்டுகளுக்கு முன் இவர்கள் திருமணம் நடைபெற்றது. ஒரு பெண் குழந்தை உள்ளது.

கணவன், மனைவிக்கிடையே அடிக்கடி தகராறு ஏற்படுமாம். இந்நிலையில் செவ்வாய்க்கிழமை மாலை மீண்டும் தகராறு ஏற்பட்டதில், தனது மனைவியை கம்பால் தாக்கிய கோவிந்தராஜ், அவரது உடலில் மண்ணெண்ணெய் ஊற்றி தீ வைத்து விட்டதாகக் கூறப்படுகிறது.

இதில் உடல் கருகிய நிலையில், அவர் மேல் சிகிச்சைக்காக தேனி க.விலக்கு அரசு மருத்துவமனைக்கு கொண்டு செல்லப்பட்டார். இதுகுறித்து ராஜேஸ்வரி வாக்குமூலம் அளித்துள்ளார்.

இதன்பேரில், போடி டவுன் இன்ஸ்பெக்டர் முருகன், சப்-இன்ஸ்பெக்டர் ரெங்கசாமி ஆகியோர் வழக்குப்பதிந்து கணவர் கோவிந்தராஜைக் கைதுசெய்து போடி நீதிமன்றத்தில் ஆஜர்படுத்தி சிறையில் அடைத்தனர்