அங்கீகாரம்: தேர்தல் ஆணையத்திடம் பாமக, மதிமுக பதில்

by ரபீக் Thu Jul 22, 2010 10:42 am

தேர்தலின் போது குறிப்பிட்ட சதவீத வாக்குகள் பெறாத மாநில அரசியல் கட்சிகளின் அங்கீகாரத்தை திரும்பப்பெறுவது குறித்து தேர்தல் ஆணையம் எழுப்பிய கேள்விகளுக்கு பாமகவும், மதிமுகவும் புதன்கிழமை பதில் அளித்தன.

இதுதொடர்பாக தில்லியில் தேர்தல் ஆணைய அலுவலகத்தில் நேரில் ஆஜராகிய மதிமுக பொதுச்செயலர் வைகோ, பாமக மூத்த தலைவரும் முன்னாள் மத்திய அமைச்சருமான ஆர்.வேலு ஆகியோர் தங்கள் விளக்கங்களை அளித்தனர்.

அரசியல் கட்சிகள் மாநில கட்சிகள் என்ற அங்கீகாரத்தை பெற குறிப்பிட்ட சதவீத வாக்குகளை பெற்றிருக்க வேண்டும். அதாவது மொத்தம் பதிவான வாக்குகளில் குறைந்தபட்சம் 6 சதவீத வாக்குகளைப் பெற்றிருக்க வேண்டும். அவ்வாறு பெறாத கட்சிகளின் அங்கீகாரம் ரத்து செய்யப்படும். அந்த வகையில் கடந்த ஆண்டு நடந்த தேர்தல்களை அடிப்படையாக வைத்து தமிழகத்தில் மதிமுக, புதுச்சேரியில் பாமக, மேகாலயத்தில் திரிணமூல் காங்கிரஸ், ஜார்க்கண்ட்டில் ஐக்கிய ஜனதா தளம் மற்றும் ராஷ்ட்ரீய ஜனதா தளம், மத்தியப் பிரதேசம் மற்றும் உத்தரகண்டில் சமாஜவாதி, அருணாசலப் பிரதேசத்தில் அருணாசல காங்கிரஸ் ஆகிய கட்சிகள் குறிப்பிட்ட அளவுக்குக் குறைவான வாக்குகளைப் பெற்றதால் அந்த கட்சிகளின் அங்கீகாரத்தை ஏன் ரத்து செய்யக் கூடாது என விளக்கம் கேட்டு தேர்தல் ஆணையம் நோட்டீஸ் அளித்திருந்தது.

இதில் ராஷ்ட்ரீய ஜனதா தளம் மட்டும் ஏற்கெனவே பதில் அளித்துள்ளது. திரிணமூல் காங்கிரஸ் உள்ளிட்ட இதர கட்சிகள் காலஅவகாசம் கோரியுள்ளன.

by balakarthik Thu Jul 22, 2010 10:45 am

ஒ இதுதானா வேற்றுமையில் ஒற்றுமை என்பது

அங்கீகாரம்: தேர்தல் ஆணையத்திடம் பாமக, மதிமுக பதில்

அங்கீகாரம்: தேர்தல் ஆணையத்திடம் பாமக, மதிமுக பதில்

Re: அங்கீகாரம்: தேர்தல் ஆணையத்திடம் பாமக, மதிமுக பதில்