ரஜினியை பார்க்க வந்த ரசிகை : மொழி தெரியாமல் தவிப்பு

by ரபீக் Thu Jul 22, 2010 10:14 am

இளம்பெண் ஒருவரை மகளிர் போலீஸார் தருமபுரி சிறுவர் காப்பத்தில் செவ்வாய்க்கிழமை ஒப்படைத்தனர்.
அரூர் பஸ் நிலையத்தில் ஞாயிற்றுக்கிழமை இரவு 10 மணியளவில் சுமார் 21 வயது மதிக்கதக்க இளம்பெண் ஒருவர் சுற்றித்திரிவதை கார் ஓட்டுநர்கள் பாத்துள்ளனர். இளம்பெண் வெளியூரைச் சேர்ந்தவர் என்பதால் ஓட்டுநர்கள் அவரை அரூர் அனைத்து மகளிர் காவல் நிலையத்துக்கு அழைத்துச் சென்றனர்.

விசாரணையில் இளம்பெண் இந்தியில் பேசியுள்ளார். பெயர், பெற்றோரின் பெயர், முகவரியை தெரிவிக்க மறுத்துள்ளார். மேலும் நடிகர் ரஜினியை பார்க்க தமிழகத்துக்கு வந்ததாகவும் தெரிவித்துள்ளார். வடமாநிலத்தைச் சேர்ந்தவராகத் தெரியும் அவர், ரயிலில் வந்த போது இடம் தெரியாமல் மொரப்பூர் ரயில் நிலையத்தில் இறங்கி அரூர் பஸ் நிலையம் வந்திருக்கலாம் என போலீஸார் தெரிவித்தனர். மேலும் இளம்பெண்ணின் கழுத்துப் பகுதியில் தீக்காயங்கள் இருந்தனவாம். இது குறித்து அரூர் மகளிர் போலீஸார் விசாரணை நடத்தி வருகின்றனர்.