கலைஞரின் அதிரடி அறிக்கைகள் சில சிபாரிசுகள் !

by **சிவா** Sun Jul 19, 2009 1:05 am

[You must be registered and logged in to see this image.]

தமிழக முதல்வர் கருணாநிதி ""சிங்களர்களுடன் ஒத்துப்போனால்தான் இலங்கைத் தமிழர்களுக்கு நல்ல வாழ்க்கை கிடைக்கும்''

என்கிற தொனியில் விட்ட அதிரடி ஸ்டேட்மெண்ட் புயலைக் கிளப்பிக் கொண்டிருக்கிறது. இதைப் போன்று வெறும் சர்ச்சைகளை மட்டும் கிளப்பிவிட்டு, மற்ற பிரச்னைகளைத் திசை திருப்பி விடுவது அவருக்கு கை வந்த கலை என்கிறது அரசியல் வட்டாரம். அதனால், போனால் போகிறதென்று அவருக்கு மேலும் சில அறிக்கைகளை கற்பனையாக சிபாரிசு செய்கிறோம்.

அவர்களின் உணர்வை நாம் புரிந்து கொள்ள வேண்டும்

சிபாரிசு : 1

காவிரி நதி நீரைத் தர மாட்டோம் என்கிறார்கள் கன்னடர்கள் ! அவர்களின் உணர்வை நாம் புரிந்து கொள்ள வேண்டும் ! வீணாய்ப் போகும் தண்ணீரை நமக்குக் கொடுத்தால் அவர்கள் டென்ஷனாகி விட மாட்டார்களா ? அவர்களிடம் கெஞ்சிக் கூத்தாடிதான் கையேந்த வேண்டும். ஏதோ, கர்நாடக முதல்வர் எடியூரப்பா பார்த்து ஏதாவது செய்தால் சரி.

சிபாரிசு : 2

நடுவுல சைக்கிள் கேப்புல "" மாநில சுயாட்சி''ன்னு ஒரு பிட்டைப் போட்டுப் பார்த்தேன். நாம இதுவரைக்கும் பார்க்காத கோரிக்கைகளா ? எல்லாரும் அதைப் பத்தியே பேசினாங்க. நமக்கும் நல்லாப் பொழுது போச்சு. மாநிலமாவது... சுயாட்சியாவது. சொக்கத்தங்கமும் தமிழர் இனமானம் காக்கும் மன்மோகன் சிங்கும் ஆட்சி செய்யும்போது ஏன் கவலைப்பட வேண்டும் ? வாழ்க இந்திய இறையாண்மை !

சிபாரிசு : 3

யாரோ ஒரு மத்திய மந்திரி நீதிபதியை மிரட்டினாராம். அது யார் என்று சொல்ல முடியாமல் நீதிபதி தவிக்கிறாராம்... ""பராசக்தி'' வசனங்கள்தான் நினைவுக்கு வருகின்றன என்றும் நீதியின் பக்கம், நெஞ்சுக்கு நீதியின் பக்கம் நிற்பவன் நான். நீதி வென்றிடும்....இதற்கு மேல் என்ன சொல்வதென்று தெரியவில்லை.

சிபாரிசு : 4

பார்ப்பனர்களையும், பார்ப்பன கொள்கைகளையும் எதிர்த்து வளர்ந்ததுதான் திராவிட இயக்கம். ஆனால், இன்று நடுநிலை பத்திரிக்கையாளர் அருமை நண்பர் என்.ராம், தமிழ்நாட்டில் உள்ள அகதி முகாம்களை விட ஈழத்தில் <உள்ள முகாம்கள் நன்றாக உள்ளதாக சர்ட்டிஃபிகேட் கொடுத்துள்ளார். அதை நினைத்து என் நெஞ்சம் பெருமிதத்தில் நனைகிறது. இதை எல்லாரும் புரிந்துகொள்ள வேண்டும். அன்புச் சகோதரர் ராஜபக்ஷேயின் அகதி முகாம்களில் அடைக்கலமாவதுதான் ஒரே வழி என்பதைத் தெரிந்துகொள்ள வேண்டும்.

சிபாரிசு : 5

நம்ம தயவு தேவையில்லைங்கற நிலையிலும் மிரட்டி மத்திய மந்திரி சபை பதவிகளை வாங்கிட்டோம்ல ? அந்தக்காலத்து கச்சத்தீவு பிரச்னையில இருந்து இன்றைய ஈழத்தமிழர்கள் பிரச்னை வரை கடிதம் எழுதறதுதானே நம்ம வேலையே. சளைக்காம இன்னும் கடிதம் எழுதுவோம்ல ? யார் என்ன சொன்னா அதைப் பத்தி என்ன கவலை ? நிலைமை ரொம்ப மோசமாச்சுன்னா அதிகலையிலேயே காலவரையற்ற உண்ணாவிரதத்தை ஆரம்பிச்சிட வேண்டியதுதான்.

குமுதம்

by ramesh.vait Sun Jul 19, 2009 11:21 am

ha ha

கலைஞரின் அதிரடி அறிக்கைகள் சில சிபாரிசுகள் !

கலைஞரின் அதிரடி அறிக்கைகள் சில சிபாரிசுகள் !

Re: கலைஞரின் அதிரடி அறிக்கைகள் சில சிபாரிசுகள் !