விஜய், சூர்யா, சிம்புவிடமிருந்து போன் -வியந்தது தயாரிப்பு நிறுவனம்!

ஷங்கருக்கு மட்டும்தான் இந்த மரியாதை வரும். பியூஸ்சையே பிடுங்கினாலும் அவர் சுவிட்சை போட்டால் லைட் எரியும் என்பதற்கு பெரிய உதாரணம்தான் நாம் சொல்லப் போகும் இந்த மேட்டர். ஜெமினி லேப் நிறுவனம் தயாரிக்கவிருக்கும் த்ரி இடியட்சின் தமிழ் ரீமேக்கில் நடிக்க முதலில் அழைக்கப்பட்டவர் விஜய்தான். அவரும் சரி என்று சம்மதித்துவிட்டார். படத்தை யார் இயக்குவது? பெரும் வேட்டை நடத்தியது ஜெமினி. விஷ்ணுவர்தன் துவங்கி தரணி வரைக்கும் வலை வீசி தேடினாலும் சம்பளம், டேட்ஸ் விஷயங்களில் செம இழுபறி.

அதற்குள் இந்த படத்தின் மீது இருந்த ஆர்வம் வற்றிப் போய்விட்டது விஜய்க்கு. வேறு படங்களில் பிசியாக இருக்கிறேன். நீங்க வேற ஹீரோவை பாருங்க என்றே கூறிவிட்டாராம் தயாரிப்பு நிறுவனத்திடம். சூர்யா, சிம்பு என்று இன்னபிற நடிகர்களும் டேட்ஸ் இல்லை என்றே கூறிவந்தார்கள். அத்தனையையும் தலைகீழாக புரட்டிப் போட்டுவிட்டது ஒரு ஒப்பந்தம்.

த்ரி இடியட்ஸ் படத்தை இயக்குகிற பொறுப்பை ஷங்கர் ஏற்றுக் கொண்டார். அவ்வளவுதான். கடந்த இரண்டு நாட்களுக்கு முன்பு மேற்படி தயாரிப்பு நிறுவனத்திற்கு நேரடியாக போன் அடித்த விஜய், இந்த படத்தில் நான் இருக்கேன் என்றாராம். என் கேரக்டரை கொஞ்சம் அதிகப்படுத்தினா நானும் வர்றேன் என்றாராம் சிம்பு. தேதிகளை எப்படியாவது அட்ஜஸ்ட் செய்து நானும் இந்த படத்தில் இணையனும்னு நினைக்கிறேன் என்று தன் ஆவலை தெரிவித்தாராம் சூர்யா. ஆனாலும் எவ்வித நிபந்தனையும் இன்றி முதலில் நடிக்க ஒப்புக் கொண்ட ஜீவாவை மட்டும் கழற்றிவிடுவதாக இல்லை கம்பெனி!